ସମ୍ପର୍କ

ସମ୍ପର୍କ ମୁଁ ବାନ୍ଧିବି କାହାକୁ

ଆପଣାର ଛାତିରୁ କାଢି

ଅଜଣା ଅଚିହ୍ନାପରି ଦୂରେଇ ଦେଉଥିବା

ରକ୍ତଜ ମାନଙ୍କୁ, ନା

କୋଳରେ ଆଉଜି ନେଉଥିବା

ଅପରିଚିତ, ଅନାମଧେୟ

ଭିନ୍ନ ମଣିଷକୁ ll

ସମ୍ପର୍କ ମୁଁ କହିବି କାହାକୁ

ଛଳନାର ମୁଖା ପିନ୍ଧିଥିବା

ଲମ୍ପଟ, ସ୍ୱାର୍ଥପର

ମଣିଷର ଅଭିନୟକୁ , ନା

ବିଶ୍ୱାସ ର ହାତ ଧରି

ନିସ୍ଵାର୍ଥପର ସେବାର ଭଲପାଇବାକୁ ll

ସମ୍ପର୍କ ଟା ଲାଗେ ଆଜି

ନଟେଇ ର ଅଡୁଆ ସୂତା ପରି

ଖିଅ ଖୋଜି ଖୋଜି ଲାଗେ ସନ୍ଧିହାନ,

ମଣିଷ ତ ଅହଂକାରେ ଅନ୍ଧ

ମିଛ ସୁଖ, ଧନ ମୋହ ପାଖେ

ସବୁକିଛି ଲାଗେ ମୂଲ୍ୟହୀନ ll