ସମ୍ପର୍କ

ବୁଢିଆଣୀ ଜାଲ

ତମେ ଆମେ ସମସ୍ତେ ଦେଖିଛେ ।

କେତେ ସରୁ ସରୁ ସୁତା ସବୁ

ସମ୍ପର୍କର କେତେ ନିବିଡତା ?

ସୁତାକୁ ସୁତା ଲାଗିଛି

ବୁଣିଛି ତା ଅପୂର୍ବ ବିନ୍ଧାଣୀ ।

ନିଜେ ରଚି ନିଜେ କରେ କ୍ରୀଡା

କ୍ରୀଡନକ ଅନ୍ୟ କେହି ନାହିଁ ।

କ୍ରୀଡା ତାର ସମାପ୍ତି ଘଟିଲେ

ଗିଳିଦିଏ ସେ ସୁତାକୁ ନିଜେ ।

ସମ୍ପର୍କର ଜାଲଟା ସେପରି

ଯୋଡିହୁଏ ଛିଡିଯାଏ ନିଜେ ।

ସମ୍ପର୍କଟା ଅତୀବ ସୁନ୍ଦର

ଯଦି ହୁଏ କ୍ଷୀର ଓ ନୀରର

ଅବା ଯଦି ହୁଏ କ୍ଷୀର ଓ କ୍ଷୀରର

କିମ୍ବା ନୀର ଓ ନୀରର ।

ସମ୍ପର୍କର ସେତୁ

କେତେ କୋମଳତା ତହିଁ

ଦୃଢ ହୁଏ ସମ୍ପର୍କ ଦୁଇଟି

ଯଦି ତହିଁ ଆବିଳତା ନାହିଁ ।

ସମ୍ପର୍କର ମାନେ ବହୁ କିଛି

ପୁଣି ସମ୍ପର୍କର ମାନେ କିଛି ନାହିଁ

ଯିଏ ତାକୁ ନେଇଛି ଯେପରି

ସମ୍ପର୍କଟା କ'ଣ କାହାପାଇଁ।

ମଣିଷର ମଣିଷ ସହିତ

ସମ୍ପର୍କ ତ ଅତି ପୁରାତନ

ହୃଦୟର ସ୍ପନ୍ଦନ ସମ୍ପର୍କ

କେବେହେଁ ତା ନ ହୋଇବ ଛିନ୍ନ ।