ସମଲ୍ ପୁରୀ ଦିନ୍
ସମଲ୍ ପୁରୀ ଦିନ୍
ଅଗଷ୍ଟ୍ ଏକ୍ ଗୁରୁ ବହିଦାର୍ ଙ୍କର୍ ଆଏ ଜନମ୍ ଦିନ୍
ଇ ଦିନ୍ କେ ମନାସୁଁ ଆମେ ସମଲପୁରୀ ଦିନ୍।
ନାଚ୍ ମାଁ, ଗାଏମାଁ, ପିନ୍ଧ୍ ମାଁ ସମଲ୍ ପୁରୀ
ଭାଷାକେ ଆମର୍ ମଜବୁତ୍ କର୍ ମାଁ, ଲେଖ୍ ମାଁ ସମଲ୍ ପୁରୀ ।
ଆମର୍ ଭାଷାର୍ ବାଟ୍ କଢୁଆଲ୍ ଆନ୍ ଗୁରୁ ବହିଦାର୍
ତାଁକର୍ ବାଟେ ଆଗ୍ କେ ନେମାଁ ଭାଷାକେ ଆମର୍ ।
ସମଲ୍ ପୁରୀ ଭାଷାକେ ତାଁକର୍ ଅବଦାନ୍ କହେଲେ ନାଇଁ ସରେ
ସମଲ୍ ପୁରୀ ସାହିତ୍ୟ ବର୍ କସ୍ ହେଇଛେ ତାଁକର୍ କଲମର୍ ଗାରେ ।
ସମଲ୍ ପୁରୀ ଭାଷାର୍ ଭାବ୍ ଟା ବଢେ ଗହୀର୍
ଇ ଭାଷାର୍ ବୁଲି ଛିଁ ଯାଏସି ହୁରୁଦ୍ କେ ସମ୍ କିର୍ ।
ଆମର୍ ଭାଷା ଆମର୍ ଗରବ୍ ଆଏ ସମଲ୍ ପୁରୀ
କହେମାଁ କହୁଥିମାଁ ,ଜୟ ସମଲ୍ ପୁରୀ ଜୟ ସମଲ୍ ପୁରୀ ।