ସକଳ ଘଟେ ନାରାୟଣ

ଅଧର୍ମୀ ମନରେ ଧାର୍ମିକ ହୃଦରେ

ସବୁଠି ତୁମରି ସ୍ଥାନ

କର୍ମ ଘେନି ଫଳ ଭରି ଭାଗ୍ୟଥାଳ

ସୁଖ ଦୁଃଖ କର ଦାନ

ପୂଣ୍ୟାତ୍ମା ଜପୁଛି ରାମ ନାମ ଜପ

ପାପାତ୍ମା ତୁଣ୍ଡରେ ମରା

ପୂଣ୍ୟାତ୍ମା ଚଢ଼ଇ ସରଗକୁ ସିଡ଼ି

ପାପୀ ଯାଏ ନର୍କ ପରା

କଚେରିରେ କହେ ନ୍ୟାୟର ବେପାରୀ

ନ୍ୟାୟ କିଣ ଟଙ୍କା ଦେଇ

ସିଏକି ବୁଝିଛି ଧରମ ନିକିତି

ଧରିଛନ୍ତି ଭାବଗ୍ରାହୀ

ମରିଗଲା ପରେ କୋକେଇରେ ଶୁଇ

ଶୁଣ ଯେବେ ରାମ ନାମ

ବଞ୍ଚିଥିବା ବେଳେ ସେହି ରାମ ନାମ

ନଜପି କର କୁକାମ

ଖାଲି ରାମ ନାମ ଜପିଲେ କିହେବ

ମନରେ ନଥିଲେ ଦୟା

ପର ଉପକାରେ ମନକୁ ନରଖି

ମନେ ଭରି ମୋହ ମାୟା

ପର ଉପକାର କରୁଥିଲେ ଜାଣ

ସାହା ହେବେ ଆର୍ତ୍ତତ୍ରାଣ

ସକଳ ଘଟରେ ଦାରୁ ମୁରତିରେ

ବିଜେଥାନ୍ତି ନାରାୟଣ