ସକାଳ ପ୍ରଣାମ

 

ସକାଳ ପ୍ରଣାମ ଘେନ ପ୍ରଭୁ ମୋର 

    ଆହେ ନୀଳାଚଳ ବାସୀ |

ସବୁରି ହୃଦୟେ ଖୁସି ଭରି ଦିଅ 

   ତୁମେ ପ୍ରଭୁ ଚକାଆଖି ||

ଦୁଃଖିର ଦୁଃଖକୁ ହରଣ କରବ 

    ଆହେ ପ୍ରଭୁ ଜଗନ୍ନାଥ |

ନିରୀହ ଓଠରେ ହସ ଟିକେ ଦିଅ 

    ଏତିକି ମାଗୁଣି ସେତ || 

ଲୋଡ଼ା ନାହିଁ ମୋର ଧନ ଯୌବନ 

  ଲୋଡ଼ା ନାହିଁ ହାତୀ ଘୋଡା |

ଏତିକି ବିନତି  କରୁଛି ମୁଁ ଅଳି 

  ଆହେ ପ୍ରଭୁ ଚକାଡୋଳା ||

 ତୁମ ଦରଶନେ ହେଉଥିବେ ଖୁସି 

    ଆଖିକୁ କରି ପବିତ୍ର |

ତୁମ ବିନା ଆଉ ନିଜର କେ ଅଛି 

     କୁହ ପ୍ରଭୁ ଜଗନ୍ନାଥ ||

 ତୁମେହିଁ ତ ପିତା ତୁମେହିଁ ତ ମାତା 

    ତୁମେହିଁ ତ ସବୁକିଛି |

ତୁମରି ଆଜ୍ଞାରେ ସଂସାର ଚାଲଇ 

    ହେଉ ଥାଏ ଦିନ ରାତି ||