ଜୟ ଜଗନ୍ନାଥ

ଜୟ ଜଗନ୍ନାଥ ଶ୍ରଦ୍ଧାର କୁସୁମ 

    ଜୟ ପ୍ରଭୁ ଦୀନବନ୍ଧୁ ।

ତୁମ ବିନା ଆଉ ନିଜର କେ ଅଛି 

   କୁହ ପ୍ରଭୁ କୃପାସିନ୍ଧୁ ।।

ଜଗତେ ବିଦ୍ୱାନ ତୁମେ ତ ମହାନ 

    ଭକ୍ତଙ୍କର ପ୍ରାଣେଶ୍ୱର ।

ଦୁଃଖିଙ୍କର ଦୁଃଖ ସହି ପାର ନାହିଁ 

    ଆହେ ପ୍ରଭୁ ଚକ୍ରଧର ।।

ଗୀତା ଭାଗବତ ପୁରାଣ କହୁଛି 

    ତୁମେ ହିଁ ତ ସବୁ କିଛି ।

ତୁମ ବିନା କିବା ସଂସାର ଚଲଇ 

    ହେଉ ଥାଏ ଦିନ ରାତି ।।

ତୁମରି ଆଜ୍ଞାରେ ସୂର୍ଯ୍ୟ ଚନ୍ଦ୍ର ସବୁ 

    ହେଉଥାନ୍ତି ଆତ ଯାତ ।

ଖରା ବର୍ଷା ଶୀତ ଋତୁ ପରେ ଋତୁ

    ଆସୁଥାଏ ବାର ମାସ ।।

ଭୋକିଲା ପେଟରେ ଦେଇଥାଅ ଦାନା 

    ଦୁଃଖିଙ୍କୁ କରାଅ ସୁଖି ।

ନିରୀହ ଓଠରେ ଦେଇ ଥାଉ ହସ 

    ତୁମରି ପରି କେ ଅଛି ।।