ସଜାଡି ରଖିବା ଶିଖ

ପୃଥିବୀ ବକ୍ଷରେ ଯେତେ ଜୀବ ଛନ୍ତି,

ମଣିଷ ସବୁଠୁ ଶ୍ରେଷ୍ଠ ।

କାହିଁକି କେଜାଣି ସଜାଡି ରଖିବା,

ମଣିଷକୁ ଲାଗେ କଷ୍ଟ ।।

ଅନ୍ୟ ଜୀବଜନ୍ତୁ ମଣିଷ ଆୟତ୍ତେ,

ମଣିଷ ବୁଦ୍ଧିଆ ବୋଲି ।

ତଥାପି କାହିଁକି ହୁଏ ଅସଜଡା,

ବୁଦ୍ଧି କାହିଁ ଯାଏ ଚାଲି ?

ଅସଜଡା ଆମେ ରଖିଲେ ଘରକୁ,

ପାଲଟିବ ଭୂତକୋଠି ।

ତେଣୁ ସଜଇବା ଆମ ସେ ଘରକୁ,

ନ ଫୋପାଡି ଏଠିସେଠି ।।

ଅସଜଡା ହେଲେ କୀଟପତଙ୍ଗ ଯେ,

ତହିଁରେ କରିବେ ବାସ ।

ଆମ ଜିନିଷକୁ କରିଦେବେ ନଷ୍ଟ,

ହେବ ଆମ ସର୍ବନାଶ ।।

ଜିନିଷ କିପରି ହୋଇଛି ସଜଡା,

ମଠ ମନ୍ଦିରକୁ ଦେଖ ।

ସଜଡାରେ ଥାଏ ଆଧ୍ୟାତ୍ମିକ ଚିନ୍ତା,

ସଜାଡି ରଖିବା ଶିଖ ।।