ସୀତ଼ୟା ହରଣ

(ସୀତା ଚୋରୀ) ଭାଗ-୩

 ସୀତୟା ହରଣ

• କବିଶ୍ରୀ ପ୍ରଫୁଲ୍ଲ ଚନ୍ଦ୍ର ମିଶ୍ର , ମଙ୍ଗଳାଯୋଡି , ଖୋର୍ଦ୍ଧା

o ---------- -------------------- ----------

• ((ଲକ୍ଷ୍ମଣ , ସେତ ଅନନ୍ତ ରୂପି ନାରାୟଣ))

• ସୀତାମାତା ଏକା ପର୍ଣ୍ଣ କୁଟୀରରେ ଦନୁଜ ଙ୍କ ମାୟା ପୁର

• ଭାବି ଲଇକ୍ଷଣ ଗମନ୍ତେ ତକ୍ଷଣ ଉପଗତ ଯୋଗୀ ବର

• ପର୍ଣ୍ଣ କୁଟୀରର ଆଗେ

• ଭିକ୍ଷାଂଦେହି ଭିକ୍ଷାଂଦେହି ଉଚ୍ଚସ୍ଵରେ ଡାକି ଆସି ଭିକ୍ଷା ମାଗେ ।।

•

• ସିଦ୍ଧ ଯୋଗୀ ଭିକ୍ଷା ଆଶେ କୁଟିଦ୍ଵାରେ ଦିଅ ଦେବୀ ଭିକ୍ଷାଦିଅ

• ଅଭିଳାଷ ଆଜି ପୁରଣ ହୋଇବ କାଟିଛି ସଂସାର ମୋହ

• ଦଣ୍ଡେ , ରହିଯାଅ ଯୋଗୀ

• ରାମ,ଲଇକ୍ଷଣ ଆସିବେ ଏକ୍ଷଣି ମନଭରା ଭିକ୍ଷା ଦେବି ।।

•

• ଦଣ୍ଡକରେ ପ୍ରାଣ ଚାଲିଗଲେ ଆଉ ଭିକ୍ଷାରେ କିଅବା ଲୋଡା

• ଫେରିଯାଉଅଛି ନଦେବ ଯେବେ ଗୋ କିମ୍ପାଇଁ ହୋଇବି ଛିଡା

• ଶୁଣି ମୈଥିଳୀ ସୁନ୍ଦରୀ

• କୁଟୀର ଭିତରୁ ପତର ପାତ୍ରରେ ଆଣେ ଫଳମୂଳ ଭରି ।।

• କୁଟୀର ଦ୍ଵାରରୁ ଡାକେ ରାମାମଣୀ ନିଅ ନିଅ ଯୋଗୀ ଭିକ

• ଲକ୍ଷ୍ମଣ ଗାର ମୋ ସୀମା ପରିସର ତହୁଁ ନଯିବି ଅଧିକ

• ବିକଳେ ଯୋଗୀ ଡାକି

• ଜୀବ ରକ୍ଷାକର ଆରେ ରାମାବର ଆସ ସେ ଗାରକୁ ଡେଇଁ ।।

•

• ନସହି ବିକଳ ଲକ୍ଷ୍ମଣ ର ଗାର ପାସୋରି ଦେଲେକ ସତୀ

• ତହୁଁ ବାମ କର ଧଇଲା ପାମର ଘୋଟିଆସିଲା ବିପତ୍ତି

• ଛାଡ଼ିଦେଇ ଯତୀ ବେଶ

• ନିଜରୂପ ଧରି ସମ୍ମୁଖେ ସୀତାଙ୍କ ଉଭାହେଲା ଲଙ୍କଈଶ ।।

•

• ପୁଷ୍ପକ ବିମାନେ ବଳେଧରି ନେଇ ବସାଇଲା ଦଶାନନ

• ଜାନକୀ ବୋଲନ୍ତି ଆରେ ସୁନାଶୀର କିମ୍ପାଇଁ କରୁ ଏ କର୍ମ

• ପର ନାରୀ ର ହରଣ

• ବଂଶନାସ ଯାଏ ଯାଣିନୁ କି କହି ଉଚ୍ଚେ କରନ୍ତି ରୋଦନ ।।