ସୀତାଙ୍କ ବିଳାପ (ସୀତା ଚୋରୀ

• (ସୀତା ଚୋରୀ) ଭାଗ-୪

• ସୀତା ଙ୍କ ବିଳାପ

• କବିଶ୍ରୀ ପ୍ରଫୁଲ୍ଲ ଚନ୍ଦ୍ର ମିଶ୍ର , ମଙ୍ଗଳାଯୋଡି , ଖୋର୍ଦ୍ଧା

• ---------- -------------------- ----------

• ରୋଦନ କରନ୍ତି ସୀତା ହା ରାମ ହା ରାମ

• ବଳେ ଧରି ନେଉଅଛି ଲଙ୍କାର ରାବଣ

• ହେ, ରାଜିବ ଲୋଚନ ।।

•

• କିମ୍ପାଇଁ ମାଗିଲି ମୁହିଁ ସୁବର୍ଣ୍ଣ ହରିଣ

• କପଟ ରଚନା କରି ଦୁଷ୍ଟ ଦଶାନନ

• ମୋତେ , କରୁଛି ହରଣ ।।

•

• ବନବାସ ବେଳେ ମାତା କହିଥିଲେ,ମନ-

• ନବଳାଇବୁ ରେ, ବଧୂ ଅପୂର୍ବ ରତନ

• ଦେଖି ,ନକରିବୁ ମନ ।।

•

• ନହେଜିଲି ବାରେ ମାତା ତୁମର ବଚନ

• ଅପୂର୍ବ କୁରଙ୍ଗୀ ପାଇଁ ବଳାଇଲି ମନ

• ଆଜି , ପଡ଼ିଲା କଷଣ ।।

•

• କାହିଁ ଅଛ କେତେଦୂରେ ମୋ ଜୀବ ଜୀବନ

• ମନ୍ଦବିହି ଛନ୍ଦରଚି କଲା ହୀନିମାନ

• ଶୁଣ, ଗିରି,ଲତା,ବନ ।।

•

• କହିବ କାନ୍ତେ ଆସିଲେ ବିଶ୍ରବା ନନ୍ଦନ

• ଯୋଗୀ ବେଶ ଛଳେ ମୋତେ କରିଲା ହରଣ

• ଆହେ ଦେବର ଲକ୍ଷ୍ମଣ ।।

•

• ତୁମକଥା ନଶୁଣିଲି ବୁଦ୍ଧିହେଲା ବାମ

• ପଶ୍ଚାତାପ କରି ନିଜ ଭାଗ୍ୟକୁ ନିନ୍ଦିଣ

• ଦେବୀ , କରନ୍ତି ରୋଦନ ।।

•

• ବିକଳ କ୍ରନ୍ଦନ ଧ୍ଵନି ଆକୁଳ କାରୁଣ୍ୟ

• ଶବଦେ ସ୍ଥିର ହୋଇଲା ଗଗନ,ପବନ

• ଦେବୀ , କରନ୍ତି ରୋଦନ ।।