ସିଧାକଥା -76 : କବିତା : ପ୍ରକୃତିର ବିଚିତ୍ର ନିୟମ

ପ୍ରକୃତି ନିୟମ ଅତୀବ ବିଚିତ୍ର ସବୁ ହୁଏନା ସମାନ,

କାହାର ଶରୀର ଅତ୍ୟନ୍ତ ସୁନ୍ଦର କିଏ ହୁଏ ଭିନ୍ନକ୍ଷମ |

କେଉଁ ବୃକ୍ଷ ଫୁଲ ଖାଲି ଫୁଟିରହେ ହୁଏନାହିଁ ତା'ର ଫଳ ,

ପଣସ ଡିମିରି ପରି କେତେବୃକ୍ଷ ଫଳଫଳେ ନାହିଁ ଫୁଲ |

ବସନ୍ତ ଆସିଲେ ପତ୍ର ଝଡ଼ାଦେଇ ନବ କିଶଳୟ ହସେ,

ବଦଳେ ନାହିଁ ତ ବାଉଁଶର ରୂପ ଯେମିତି ସେମିତି ଦିଶେ |

ବରଷା ଋତୁଟି ବୃକ୍ଷ ପ୍ରିୟସାଥୀ ପଦ୍ମବଂଶ କରେନାଶ,

ଗ୍ରୀଷମରେ ଜଳକଷ୍ଟ ହୁଏ ସିନା ଫଳେ ଥାଏ ମିଠାରସ |

ଚଢେଇର ପାଇଁ ବସାଟିଏ ଲୋଡ଼ା ଛୁଆ ସେବା ଯତ୍ନ ପାଇଁ,

କାଉର ବସାରେ ଚତୁରୀ କୋଇଲି ନିଜ ଅଣ୍ଡା ଦିଏ ଥୋଇ |

ହୋମାପକ୍ଷୀ କେବେ ମାଟିଛୁଏଁ ନାହିଁ ଆକାଶରେ ଉଡୁଥାଏ,

ଆକାଶରୁ ଅଣ୍ଡା ପଡ଼ି ଯାଉଯାଉ ଛୁଆ ଫୁଟି ଉଡ଼ିଯାଏ |