ସିଧାକଥା-70

ହୃଦୟ ଭୂମିଟି ଅତ୍ୟନ୍ତ ଉର୍ବର କରିହୁଏ ସବୁ ଚାଷ,

ଫୁଲ ତ ଫୁଟିବ ଫଳ ବି ଫଳିବ ମାଡ଼ି ଯାଇପାରେ ଘାସ |

ଉନ୍ନତ ମାନରେ ମନ ପସନ୍ଦର ଗଛ ଲଗାଇବ ଯିଏ,

ସୁଗନ୍ଧିତ ଫୁଲ ସୁମଧୁର ଫଳ ନିଶ୍ଚୟ ପାଇବ ସିଏ |

ପଡ଼ିଆ ପଡ଼ିଲେ ଅଳିଆ ଢ଼ାଳିଲେ ମାଡ଼ିଯିବ କଣ୍ଟାବୁଦା,

ସମାଜ ଆମକୁ ଧିକ୍କାର କରିବ ଦେଇ ଅପମାନ ନିନ୍ଦା |

ଆମ ଜୀବନରେ ଚଲାପଥେ ସଦା ସୁଖ-ଦୁଃଖ ତ ଆସିବ,

ଉଦ୍ଦେଶ୍ୟ ନିଶ୍ଚୟ ସବୁବେଳେ ଭଲ ଈଶ୍ୱରଙ୍କ ଇଚ୍ଛା ଥିବ |

ଚେହେରା ସଜାକୁ ଦେଖିଲେ କାହାର ଫୁଲିଉଠେ ଆମ ଛାତି,

ସୁନ୍ଦର ଭାବନା ଶୁଦ୍ଧ ଚେତନାକୁ ଦେଖନ୍ତି ଈଶ୍ୱର ନିତି |

ନମୁନା ଦେଖାଇ କହିବା ସହଜ-ତାଙ୍କ ପରି ତୁମେ ହୁଅ,

ନିଜେ କିନ୍ତୁ ଉଦାହରଣ ହୋଇବା ଏତେଟା ସହଜ ନୁହଁ |