ସିଧାକଥା-43 କବିତା: ମୋର ଚାରିପତ୍ନୀ କଥା

ସବୁ ମଣିଷର ଚାରିଗୋଟି ପତ୍ନୀ ରହିଛନ୍ତି ତାକୁ ଘେରି,

ପ୍ରଥମ ପତ୍ନୀ ଯେ ବଡ଼ ସ୍ଥିତପ୍ରଜ୍ଞ ଥାଏ ଆତ୍ମା ରୂପ ଧରି |

ଦ୍ଵିତୀୟ ପତ୍ନୀଟି ଶରୀର ଆମର ଖାଲି ସୁଖ ଖୋଜୁଥାଏ,

ବଡ଼ ସ୍ଵାର୍ଥପର ଦୁଃଖରେ କାତର ମନକୁ କାମେ ଲଗାଏ |

ତୃତୀୟ ପତ୍ନୀ ହିଁ ଆମ ପରିବାର ସୁଖରେ ଦୁଃଖରେ ଭାଗୀ,

ତାଙ୍କଇଚ୍ଛା କେବେ ପୂରଣ ହୁଏନା ନହେଲେ ଯାଆନ୍ତି ରାଗି |

ଚତୁର୍ଥ ପତ୍ନୀ ମୋ ଧନ ମାନ ଘର ତା'ପାଇଁ ବିକଳ ହୁଏ,

ଏମାନେ ଅଳିକ ଲୋଭକୁ ବଢାନ୍ତି ମନକହେ ଆଉ ଚାହେଁ |

ପ୍ରାଣ ଗଲାବେଳେ ପ୍ରଥମ ପତ୍ନୀଟି ଏକା ଯାଏ ସାଥିହୋଇ,

ଦ୍ଵିତୀୟ ପତ୍ନୀଟି ପୋଡ଼ି ହେଇଯାଏ ମଶାଣି ପର୍ଯ୍ୟନ୍ତ ଯାଇ | 

ତୃତୀୟ ପତ୍ନୀ ହିଁ କନ୍ଦାକଟା କରେ ଭୁଲିଯାଏ ଧୀରେ ଧୀରେ,

ଚତୁର୍ଥ ପତ୍ନୀ ତ ପଡ଼ି ରହିଥାଏ ଆଉ କିଏ ଭୋଗକରେ |