ସିଧାକଥା-42 କବିତା: ବୟସ୍କ ସ୍ମାର୍ଟ ହେବେ

ବୟସ ତୁମକୁ ବେଶି ହେଲା ସିନା ବୁଢା ବୋଲି ନିଜେ କହିବେନି ,

ନାତି ଚଲାଉଛି ମୋବାଇଲ ମୋତେ ଆସେନାହିଁ କହି ରହିବେନି |

ଆଜିର ରୀତିକୁ ଦେଖି ରାଗିବେନି ତାଳଦେଇ ନିଜେ ଚାଲୁଥିବେ,

ନିଜରୁଚି କଥା ବୁଝାଉ ବୁଝାଉ କାଳେ ଅପମାନ ପାଇଯିବେ |

ଯୁଗରୁଚି ସହ ପାଦ ମିଳେଇବେ କାହାରି ଦୋଷକୁ ଧରିବେନି,

ଆମ ସମୟରେ ସବୁ ଭଲଥିଲା କହି ସେ କଥାକୁ ଝୁରିବେନି |

ଦେହ ସିନା ବୁଢା ଯୁବାମନ ନେଇ ଆଗେଇ ଚାଲନ୍ତୁ ସାହସରେ,

କମ୍ପୁଟର ଆଉ ମୋବାଇଲି ଧରି ବସିଗଲେ ଶିଖି ହେଇପାରେ |

ଧୀରେ ଧୀରେ ସବୁ ଶିଖି ହେଇଯିବ ସମୟ ଅଧିକ ଲାଗିପାରେ,

ଭୁଲିଗଲେ କିଛି ଡରିବାର ନାହିଁ ସହଜ ଲାଗିବ ଧୀରେ ଧୀରେ | 

ବଦଳିଗଲାଣି ଯୁଗର ଚଳଣି ତାକୁ ନିନ୍ଦାକରି ଲାଭନାହିଁ,

ରୂଢିବାଦୀ ହେଲେ ପଛରେ ପଡ଼ିବେ ରହିଥବେ ମିଟିମିଟି ଚାହିଁ |