ସିଧା କଥା-59 କବିତା: ଜୀବନ ଦର୍ଶନ

 

କାଲିପାଇଁ ବଡ଼ ଯୋଜନା କରିଛ ନିଶ୍ଚୟ ସୁନ୍ଦର ହେବ,

ସବୁଠୁ ସୁନ୍ଦର ସରସ କରିବା ଆଜି ଯାହା କାମଥିବ |

 

ଜାଉଁଳି କବାଟ କୋଳାକୋଳି ହେଇ ରହୁଥିଲେ ସାରାରାତି, 

ଏବେ ସେ କବାଟ ବଦଳି ଗଲାଣି,ଦେଖି ଆମ ଗତିମତି |

 

ନିର୍ଦ୍ଦୟ,ନିଷ୍ଠୁର,ନିର୍ଲଜ୍ଜ ମୂର୍ଖଙ୍କୁ କାଟେନାହିଁ ଅପମାନ,

ଜ୍ଞାନୀ,ଗୁଣୀ,ମାନୀ ଡରିବେ ନିଶ୍ଚୟ ଡରୁଥିବେ ଭଗବାନ |

 

ସରଳ ମଧୁର ଛୋଟିଆ ବାକ୍ୟଟି ଶୀଘ୍ର ଶେଷ ହୋଇଯାଏ, 

ତା'ର ପ୍ରତିଧ୍ୱନି ଦୀର୍ଘଦିନ ଯାଏ ହୃଦୟେ ଝଙ୍କୃତ ହୁଏ |

 

ମଣିଷ ଜୀବନ କ୍ରିକେଟ ସମାନ ମନ-ମସ୍ତିଷ୍କର ଖେଳ,

ମସ୍ତିଷ୍କ ଆଉଟ ହେଲା ହେଲା ବୋଲି ମନ କରୁଛି ଅପିଲ |