ସିଧା କଥା-55 ବ୍ୟଙ୍ଗକବିତା ସିଂହ ହେଲା ଗଧ

 

ନିର୍ବାଚନ ଯୁଦ୍ଧେ ଲଢିଥିଲି ମୁହିଁ ହେବାପାଇଁ ସିଂହରଜା,

ଭାଗ୍ୟ ବିଧାତା ମୁଁ ହୋଇଲେ ପ୍ରଜାଏ କରିବେ ମୋ ପାଦପୂଜା | 

 

ଜିତିଲି ସିନା ମୁଁ ରଜାହେବା ଛାଡ଼ ମନ୍ତ୍ରୀ ବି ହୋଇଲି ନାହିଁ,

ଅଲ୍ପମତ ବାଲା ଖଳ-ବଳ ମିଶି କ୍ଷମତା ନେଲେ ଛଡ଼େଇ |

 

ସିଂହରୁ ଖସି ମୁଁ ହାତୀ ହେଇଗଲି ଆହାର ମୋ ନିରାମିଷ,

କ୍ଷମତା ଦଳିଆ କହିଲେ-ଗୁପତେ ମାଉଁସ ଖାଇବ ଆସ |

 

ତୁମେହେଲ ଘୋଡ଼ା ଆମେ ତ ବେପାରୀ ଯଦିହେବ ତୁମେ ରାଜି,

ଆଉ କିଛିଘୋଡ଼ା ଯୋଗାଡ଼ କରିଲେ କିଣି ନେଇଯିବୁ ଆଜି |

 

ସାତ ଜନମରେ ଯେତିକି ଅର୍ଜିବ ଦିନକରେ ମିଳିଯିବ,

ତୁମର ଯେତେକ କଳଙ୍କ ଲାଗିଛି ରାତାରାତି ଧୋଇଯିବ |

 

ଘୋଡ଼ା ହେବା ପାଇଁ ସୁଯୋଗ ନ ଥିଲା ସମସ୍ତେ କହନ୍ତି ଗଧ,

ଗଧ ଜନମରୁ ମୁକ୍ତିପାଇଁ ଗାଏ-ଚଉତିଶା ମନବୋଧ |