ଶୂନ୍ୟ
ଶୂନ୍ୟ
1 min
437
ମିଶାଣ ଫେଡାଣ କରୁଛୁ କେତେ
ଜୀବନର ରଙ୍ଗମଞ୍ଚରେ
ମୋର ମୋର କହି ଖାଲି ଦଉଡୁଛୁ
ସବୁ ଛାଡ଼ିଦେଇ ପଛରେ ।
ଗର୍ବ ଅହଂକାର ଘୃଣା କୁ ମୁଣ୍ଡେଇ
ଦୁଃଖରେ ଜୀବନ କାଟୁଛୁ
କିଏ ସିନା ଏଠି ଦିନେ ମରିଯାଏ
ନିଜେ ପ୍ରତିଦିନ ମରୁଛୁ ।
ଗୁଣନ କରୁଛୁ ହିସାବ ରଖୁଛୁ
ନିଜର ଜମା ଖାତାରେ
ହରଣ ପ୍ରକ୍ରିୟା ଆରମ୍ଭ ହୋଇଲେ
ଚାଲିଯିବୁ ନିଜ ରାସ୍ତାରେ ।
ମିଶାଣ ଫେଡାଣ ଗୁଣନ ହରଣ
ସବୁ ମିସିଯିବ ଶୂନ୍ୟରେ
ଶୂନ୍ୟରୁ ତୁ ଆସିଥିଲୁ ବାବୁ
ମିଶିଯିବୁ ଯାଇ ଶୂନ୍ୟରେ ।