ଶୂନ୍ୟ ଦେହି ହେ ଅଜାତ ପୁରୁଷ
ଶୂନ୍ୟ ଦେହି ହେ ଅଜାତ ପୁରୁଷ
• କବିଶ୍ରୀ ପ୍ରଫୁଲ୍ଲ ଚନ୍ଦ୍ର ମିଶ୍ର , ମଙ୍ଗଳାଯୋଡି , ଖୋର୍ଦ୍ଧା
• ---------- -------------------- ----------
• ମୋ ଆଖି ର ଲୁହ ମୋ ମନର କୋହ ଯନ୍ତ୍ରଣା ଚିତ୍ର ଆଙ୍କି
• ମନରେ ମୋହର ସୃଜିଦେଇ ଗଲ ତୁମେ ମୋ ପ୍ରାଣ ଦେବତା
• ତେଣୁ ଦିବା,ନିଶି ଖୋଜଇ ତୁମକୁ କାଳେ ଦେଖାଦେବ ଆସି
• ମିଳିଯିବ ତବ ଦରଶନ ଅବା ପାଇବି ତୁମ ବାରତା ।।
•
• ଦେଖିଛି ମୁଁ ତୁମେ ବସିଛ ନିଶ୍ଚଳେ ମହାର୍ଘ ମନ୍ଦିର ଗହ୍ଵରେ
• ପଥର ବା ଧାତୁ କାଠର ମୂରତୀ କି ଅବା ମୃଣ୍ମୟ ରୂପରେ
• କିମ୍ଭୁତ କିମାକାର ସେହି ଚିତ୍ର ନିର୍ଜିବ ସେ କଳେବରେ
• ତୁମର ଜନମ କିଏବା ଦେଖିଛି ମୁଖୁ କଥା ଷ୍ଫୁରିବାରେ ।।
•
• ଆକାଶ ନୀଳିମା ଛାଇ ପ୍ରତିବିମ୍ବେ ଜଳ ଯେହ୍ନେ ଦିଶେ ନୀଳ
• ସେମିତି ମୋ ମନେ ପ୍ରହେଳିକା ସମ ବିଶ୍ବାସ ଦେଲ ଜନ୍ମାଇ
• ଧରଣୀର ପ୍ରତି ଜୀବନ କୁ ସତେ ତୁମେ ପ୍ରଭାବିତ କର
• ରୂପ,ରେଖ ହୀନ ତୁମେତ ଈଶ୍ଵର ତୁମେ ଗୋଟେ ଶୂନ୍ୟ ଦେହି ।।
•
• କେତେଯେ ବସନ୍ତ ବିତିତ ଗଲାଣି ହଜିଛି ଜୀବନ ଛନ୍ଦ
• କେତେଯେ ସକାଳ ଦେଖିଛି ଏ ଆଖି ଦେଖିଛି ତା ଉଷା ବେଶ
• ତୁମକୁ ପାଇବା ନିରାଶା ବତାସେ ଭାଙ୍ଗିଛି ମୋ ଆଶା ସୈ।ଧ
• ତଥାପି ବସନ୍ତ, ପ୍ରତ୍ୟୁଷ ଉଚ୍ଚାଟେ ତୁମ ଅସ୍ତିତ୍ବ ବିଶ୍ଵାସ ।।
•
• ଏ ଜୀବନ ଦୀପ ଜାଳୁଛ ଠାକୁରେ ଆଶାର ତଇଳ ଢାଳି
• ଅଜାତ ପୁରୁଷ, ହେ ଅଜନ୍ମା ଦେବତା କହ କେଉଁ ଉଢାଳରେ
• ରହି ଖେଳାଉଛ ଖେଳଣା ସଜେଇ ମହାକାଳ ମହାବଳୀ
• ନିସ୍ଵ ଜୀବନରେ ଆଶା ଉତ୍ସ ସାଜି ଏ ହୃଦୟର ଗହ୍ଵରରେ ।।