ଶୃଙ୍ଖଳିତ ଜୀବନ.

ଶୃଙ୍ଖଳିତ ଜୀବନ ଟିଏ ଜିଇବା

   ଈଶ୍ୱରଙ୍କ ଆଶୀର୍ବାଦ

କଥା ବାର୍ତ୍ତା, ଆଚାର ଓ ବ୍ୟବହାର

    ସବୁଠୁ ବଡ଼ ସମ୍ପଦ ।

ବିନମ୍ର, ସରଳ, ମିଷ୍ଟଭାଷୀ ହେଲେ

    ସମସ୍ତେ ପାଇବେ ଭଲ

ଭଲ ବ୍ୟବହାର ପାଏ ଯେ ଆଦର

    ସ୍ମରଣୀୟ ସବୁଦିନ ।

ବଡ଼ଙ୍କୁ ସମ୍ମାନ, ସାନଙ୍କୁ ଆଦର

   କରିବ ହରଷ ମନେ

ନିଜ କର୍ମ ନିଜେ କରିବ ଆନନ୍ଦେ

   ଶାନ୍ତି ପାଇବ ଜୀବନେ ।

ସତ୍ୟ, କହୁଥିଲେ , ବିପଦ ଆସିଲେ

    କେବେହେଲେ ଡରିବନି

ଅସତ୍ୟ ଅନ୍ଧାର ହୋଇଯିବ ଦୂର

  ଜଳିଲେ ସତ୍ୟର ବହ୍ନି ।

ପର ଉପକାର ଶ୍ରେଷ୍ଠ ବ୍ରତ କରି

   କାଟୁଥିବ ଯେବେ ଦିନ

  ପ୍ରଭୁ ଜଗନ୍ନାଥ ଙ୍କର ଆଶୀର୍ବାଦ 

      ଶୃଙ୍ଖଳିତ ଯେ ଜୀବନ।

ଆମରି ଜୀବନ ଆମେ ଯେ ବଞ୍ଚିବା

   ଶୃଙ୍ଖଳିତ କାର୍ଯ୍ୟ କରି

ଭଲ ଆଚରଣ, ଆଉ ଉଚ୍ଚାରଣ

   ଦେଖି ଶତ୍ରୁ ଯିବେ ଡରି ।

ଜୀବନେ ଆସିଲେ ଦୁଃଖ କିବା ଝଡ଼

   ଭାଙ୍ଗିପଡିବନି କେବେ

ପରିସ୍ଥିତି, ପରିବେଶ, ଦେଖି ଚାହିଁ

   ଚାଲିବ ବାଟ ସଗର୍ବେ ।

କାହାରିକୁ ଇର୍ଷା, ହିଂସା କରିବନି

  କହୁଥିବ ଦିବ୍ୟ ବାଣୀ

ଅନ୍ୟ ଅମଙ୍ଗଳ ଚିନ୍ତାକଲେ ମନେ

  ଦୁଃଖ କୁଆଣିବ ଟାଣି ।

ପରମ ପିତାଙ୍କ ଆଶୀର୍ବାଦ ପାଇ

   ପାଇ ଛ ମନୁଷ୍ୟ ଜନ୍ମ

ଲକ୍ଷ୍ୟପଥେ ରହି ଭଲ କାମରେ

  ହେବ ଶୃଙ୍ଖଳିତ ଜୀବନ ।

ସତ୍ୟ, ଶାନ୍ତି, ଦୟା, କ୍ଷମା , ଆଚରିଲେ

  ଜୀବନ ହୋଇବ ଧନ୍ୟ 

ପର ଉପକାର, ବିନୟ ବଚନ

   ଶୃଙ୍ଖଳିତ ର ଜୀବନ ।