ଶ୍ରୀକୃଷ୍ଣାୟ ନମୋ ନମଃ

ଛନ୍ଦା ଚରଣରେ ବନ୍ଧା ଏ ପରାଣ

ତୁମେ ସିନା ମୋର ଜୀବନ କାରଣ l0l (ଘୋଷା )

ବାଞ୍ଛାକଳ୍ପ ତରୁ ଆହେ ମହାମେରୁ

ଭାବଗ୍ରାହୀ ଭାବେ ବନ୍ଧା ହୋଇବାରୁ

ସକଳ ଘଟରେ ତୁମେ ପରିପୂର୍ଣ୍ଣ

କୀଟରୁ ବ୍ରହ୍ମ ପ୍ରମାଣ l

ଛନ୍ଦା ଚରଣରେ ................ I01l

ଯୁଗେଯୁଗେ ହରି ମଞ୍ଚେ ଅବତରି

ସାଧୁଜନେ ପାଳ ଦୁଷ୍ଟଙ୍କୁ ସଂହାରି

ଦୀନଜନ ବନ୍ଧୁ ପ୍ରଭୁ ଦୀନବନ୍ଧୁ

ଜଗତ ଜନ ତାରଣ l

ଛନ୍ଦା ଚରଣରେ ................ I02l

ଯତି ଜିଣା କାନ୍ତି ନୀଳମେଘ ଭାନ୍ତି

ଧନ୍ୟ ଗୋପବାଳା ଲୀଳାରାସେ ମାତି

ପାଇ ପ୍ରେମାନନ୍ଦ ଚିହ୍ନିଲେ ଗୋବିନ୍ଦ

ଭବୁ କରିଲ ତାରଣ l

ଛନ୍ଦା ଚରଣରେ .................l03l

ତୁମ ଗୁଣ ଯେତେ କେ ଜାଣେ ଜଗତେ

ଆତଙ୍ଗେ ଡାକିଲେ ଶ୍ରବଣ ତୁରିତେ

ଦ୍ରୌପଦୀ ଆକୁଳ ଶୁଣିଣ ଦୁକୁଳ

କୋଟିଏ ଦେଲ ତକ୍ଷଣ l

ଛନ୍ଦା ଚରଣରେ .................l04l

ନାହିଁ ଜ୍ଞାନ ମୋର କଳିଯୁଗ ନର

ଗତି ମୁକ୍ତି ଦାତା କୃଷ୍ଣ ଦାମୋଦର

ଗୁହାରି ମୋହର ଏତିକି ମାତର

ନାମରେ ଯାଉ ପରାଣ l

ଛନ୍ଦା ଚରଣରେ ................. I05l

ସବୁ ମିଛ ମାୟା ଭବେ ଯେତେ କାୟା

ପିତା ମାତା ଭ୍ରାତା ବନ୍ଧୁ ପୁତ୍ର ଜାୟା

ଭଣେ ପ୍ରେମାନନ୍ଦ ତୁମେ ଏକା ସାହା

ଚରଣେ ଗଲି ଶରଣ l

ଛନ୍ଦା ଚରଣରେ ............... I06l