ଶ୍ରୀଗଣେଶ

ପାର୍ବତୀ ନନ୍ଦନ  ଗଜେନ୍ଦ୍ର ବଦନ

କୋଟି ସୂର୍ଯ୍ୟ ସମ ତବ ତେଜ,

ସକଳ ଦେବତା ଅଗ୍ରେ ତବ ପୂଜା

ଇନ୍ଦୁର ବାହନ ବିଘ୍ନରାଜ ।

ମାତାଙ୍କ ଦୁଆରେ ସାଜିଲ ପ୍ରହରୀ

ଧନ୍ୟ ହେ ତୁମର ମାତୃଭକ୍ତି,

ପିତାଙ୍କ ତ୍ରୀଶୂଳେ ମସ୍ତକ ଅର୍ପିଲ

କୀରତି ରଖିଲ ଗଣପତି।

ସୁକୁମାର ଅଙ୍ଗେ କରିଲ ଧାରଣ

ଗଜର ମସ୍ତକ ଗଜାନନ,

ବିଦ୍ୟାରେ ବଳିଲ କାର୍ତ୍ତିକେୟଠାରୁ

ଉଦରେ ଅସୀମ ଜ୍ଞାନ-ରତ୍ନ ।

ଜ୍ଞାନର ପ୍ରଦୀପ  କର ପ୍ରଜ୍ଜ୍ୱଳନ

ଅଜ୍ଞାନ-ତିମିର ହେଉ ନାଶ,

ପାଦତଳେ ତବ କୋଟି ପ୍ରଣିପାତ

ଘେନାକର ପ୍ରଭୁ ଶ୍ରୀଗଣେଶ ।