ଶ୍ରୀ ଗଣେଶ

ବନ୍ଦେ ଗଣନାୟକ ,ଶୁଭ ଦାୟକ , ବିନାୟକ ହେ

ଗିରିରାଜ ଜେମା ସତୀ ମହାଦେବୀ

ମାନସ ସନ୍ତାନ ,ବିଘ୍ନ ନାଶକ‌ ହେ ,

ବନ୍ଦେ ଗଣନାୟକ …।।

ବାଳାର୍କ ବରଣ କାନ୍ତି ଶୋଭାବନ

ନିନ୍ଦେ କୋଟି କାମ

ବନ୍ଦେ ମହାକାୟ ହେ ମୋଦକ ପ୍ରିୟ

ବିଭୁ ଗଜାନନ , ବିଘ୍ନ ନାଶକ ହେ

ବନ୍ଦେ ଗଣ ନାୟକ…।।

କୃତାନ୍ତ ଭୂବନ ରାଜା ସ୍ଵୟଂ ଯମ

ଇନ୍ଦୁର ସମାନ

ପଦେ ଖଟେ ମନ,-- ପ୍ରାଣ ଦେଇ, ହୋଇ

ତୁମର ବାହାନ , ବିଘ୍ନ ନାଶକ ହେ

ବନ୍ଦେ ଗଣ ନାୟକ…।।

ଗର୍ବ ସ୍ଥୂଳ ତନୁ ପାଶାଙ୍କୁଶ ଧନୁ

ହସ୍ତେ ବିଦ୍ୟମାନ

ଆହେ ତ୍ରୀଲୋଚନ ଅଗ୍ରପୂଜ୍ୟ ବାବା

ଗୁଞ୍ଜର ବଦନ , ବିଘ୍ନ ନାଶକ ହେ

ବନ୍ଦେ ଗଣ ନାୟକ…।।

କର ବିଦ୍ୟାଦାନ ହେ ବିଦ୍ୟା ଭୂଷଣ

କରୁଛି ଜଣାଣ

ଅବିଦ୍ୟା ତିମିର କର କର ଦୂର

କରୁଛି ପ୍ରଣାମ , ବିଘ୍ନ ନାଶକ ହେ

ବନ୍ଦେ ଗଣ ନାୟକ…।।

ସୁନ୍ଦର ସିନ୍ଦୂର ବଦନ ତୁମର

ଫଣୀ ଭୂଷଣ

ହୁଏ ସର୍ବ ସିଦ୍ଧି ଆୟୁ,ବିଦ୍ୟା, ବୁଦ୍ଧି

କର ପ୍ରଦାନ , ବିଘ୍ନ ନାଶକ ହେ ,ବନ୍ଦେ ଗଣନାୟକ…।।

କବି ପ୍ରଫୁଲ୍ଲ ଚନ୍ଦ୍ର ମିଶ୍ର , ମଙ୍ଗଳାଯୋଡି , ଖୋର୍ଦ୍ଧା