ସହରେ ରହୁଛେ
ସହରେ ରହୁଛେ
1 min
183
ସୋନୋ ପାଉଡର୍ ଲଗେଇ କରି
ମୁହୁ କରିଛୁ ଗୁରା,
ନିଜକୁ ନିଜେ ଦେଖେଇ ହେସୁ
ପିନ୍ଧିକରି ଚିରା ଫଡା ।
ଇଜତ୍ ମହତ୍ ପୁଡେଇ ଖାଏଲୁ
ଦିହିଁ କେ ଦେଖେଇ,
ସୁରୁ ସୁରୁ କୁରତା, ପେଟ୍ ପିନ୍ଧି
ନିଜକୁ ଥିସୁ ସଜେଇ ।
ଚାଲୁଥିସୁ ଠମକି ଠମକି
ଗାଁ ମଝାର୍ ଖୁଲି ,
ହାତେ ଗୁଟେ, ମୁବେଇଲ ଧରି
ଭେଣ୍ଟି ବେଗ୍ ଥିସି ଝୁଲି ।
ଗାଁ'ର୍ ଲୋକ୍'ମାନେ ଦେଖିକରି
ମୁହୁ କରିଛନ୍ ମେଲା,
କେନ୍ ରାଏଜୁ ପଲେଇ ଆଇଛେ
ସବୁ ହେଲା ଝମେଲା ।
ଗାଁ,ଲୋକ୍ ପଚରାଲେ କହୁଛୁ
ରହୁଛେ ସହରେ,
ତମେ କାଏଁ ଜାନବ୍ ଡିଜନ୍,ଫେସନ୍
ରହୁଛ ଗାଁ ଘରେ
ତମେ ରହୁଛ ଗାଁ ଘରେ ।