ଶିଶୁ

ଶିଶୁର ବିକାଶ ଶିଶୁର କଲ୍ୟାଣ

  ଶିଶୁର ମଙ୍ଗଳ ପାଇଁ

 ପ୍ରତି ମୁହୂର୍ତ୍ତରେ ସଭିଏଁ ସଜାଗ

  ତାରି ଭବିଷ୍ୟତ ପାଇଁ

ତା କୁନି ହାତରେ ଦେଶ ଭବିଷ୍ୟତ

  ରହିଛି ଧରା ବନ୍ଧା

କିପରି ଗଢ଼ିବ ନୂଆ ପ୍ରଗତିର

  ନୂଆ ବିଚାରର ଗାଥା

ପିତା ମାତା ଠାରୁ ଗୁରୁ ଗୁରୁଜନ

 ସଭିଙ୍କ ପ୍ରେରଣା ପାଇ

ଧୀରେ ଧୀରେ ଶିଶୁ ବଢ଼ି ଚାଲି ଥାଏ

 ସଭିଙ୍କ ଆଦର ନେଇ

 ପ୍ରଥମ ପାହାଚ ଘର ଅଗଣାରେ

 ଘର ଚାଟଶାଳୀ ତାର

 ବ୍ରହ୍ମା ବିଷ୍ଣୁ ମହେଶ୍ୱର ଠାରୁ ଆରମ୍ଭ

  ହୁଏ ତା ପରିଚୟ ସିଲଟ ଖଡିକୁ ନେଇ

 ବିଦ୍ୟା ଗୁରୁ ସାଜେ ଜନନୀ ତାହାର

  ତାରି ଭବିଷ୍ୟତ ପାଇଁ

ପାଞ୍ଚ ବରଷରେ ବିଦ୍ୟାଳୟକୁ ସେ

  ବାହାରେ ପଢିବା ପାଇଁ

ଗଛ ପରି ସିଏ ବଢ଼ି ଚାଲିଥାଏ

 ଦିନକୁ ଦିନ ଯେମିତି

ତା ଭବିଷ୍ୟତ ପାଇଁ ସଜାଗ

  ରହିଥାନ୍ତି ସଭିଏଁ ସେମିତି 

 ସଭିଙ୍କ ଆଶିଷ ପାଇ ସୁଢ଼ଳେ

 ଶିଶୁଟି ବଢୁ ଥାଏ ଯେମିତି

ସଦା ସର୍ବଦା ହସୁ ଥାଉ ତା ଭବିଷ୍ୟତ

 ଚିର କାଳକୁ ସେମିତି