ଶିଶୁ

କ୍ୱଅହଂ କ୍ୱଅହଂ ନାଦେ

ପରିଚୟ ଖୋଜେ ଶିଶୁଟିଏ

ମାଆ କୋଳେ ଦେହ ଥାପେ

ଟିକି ଓଠ ଧାରେ ହସ ତା'ର

ଟାଣିନିଏ ମନ କ୍ଷଣିକରେ

କୁସୁମ କଳିକାସମ ଦେହ ତା'ର

ପରିବାରେ ବୁଣେ ହସର ଜୁଆର

ମାଆ ଛାତି କ୍ରୀଡା ଭୂମି

ବା'ହାତ ଧରି ବାଟଚାଲେ

ଟିକି ଟିକି ପାଦ ଥାପି ତାର

କୁନି ଓଠେ ଯେବେ ମା' ବା' ଦା କହି

ଖୋଜେ ପରିଚିତ ମୁହଁ

ଦୁଃଖର ବାଦଲ ହଟିଯାଏ

ବର୍ଷିଯାଏ ଅମୃତ ଶ୍ରାବଣ ପରିବାରେ

ଜୀବନ ନାଟକର ପ୍ରଥମ ଅଙ୍କରେ

ସଫଳ ନାୟକ ଯିଏ

ସେ ପର୍ଯ୍ୟନ୍ତ' ଯେପର୍ଯ୍ୟନ୍ତ

ଶିଶୁଟିଏ ସିଏ

କୋଟି ସଂପଦଠୁ ବଳି ତାର ପଦାର୍ପଣ

ପୁତ୍ରଧନ ଅମୂଲ ସେ

ମାଆ କୋଳେ ସଦା ସେ ପ୍ରସନ୍ନ।