ଶୀତ ଆସିଛି

ଶୀତ ଆସିଛି ଶୂନଶାନ ରାତିରେ 

ପାହାନ୍ତି ପ୍ରହରେ କାକର ବିନ୍ଦୁରେ,

ଆସିଛି ଶୀତ କୁନା ବୋଉର

ଫଟା ପଣତରେ

ଚମ ଧୁଡୁ ଧୁଡୁ ରୁଗ୍ଣ ଶରୀରରେ l

ଶୀତ ଆସିଛି ଫୁଲ ବଗିଚାରେ

ରଙ୍ଗୀନ ଫୁଲର ମଖମଲ୍ଲୀ ପାଖୁଡ଼ାରେ

ଆସିଛି ଶୀତ ପକ୍ୱ ଧାନ୍ୟ କ୍ଷେତ୍ର ରେ

ଫୁଲ ଓ ବନ୍ଧାକୋବି ର ସବୁଜ ପତ୍ରରେ

ଶୀତ ଆସିଛି ଶିଶୁର କାନ୍ଦରେ ପୁଣି 

ପ୍ରଜାପତି ର କୋମଳ ଡେଣାରେ ।

ଏ ଶୀତ କନ୍ଦାଇବ,ହଜାଇବ

ଭିଜାଇବ ତା'ର ଆର୍ଦ୍ର ପଣତରେ,

ଦୁଃଖୀର ସାତ ସିଆଁ ଫଟା କମ୍ବଳ ରେ

ପୁଣି ତା'ର ଭୋକିଲା ପେଟର ଅନ୍ତରାଳରେ

ଧନୀ ସାହୁକାରର ରେଜେଇ ଭିତରେ

ଦାମୀ ଦାମୀ ସାଲ ସ୍ଵେଟର ର

ପ୍ରଚୁର୍ଯ୍ୟ ମଧ୍ୟରେ ।

ଏମିତି ଏ ଶୀତ ଆସୁଥିବ, ଯାଉଥିବ

ପୁଣି ଗାଉଥିବ ଗୀତ

ପ୍ରେମ ର ହେଉ ଅବା

ଯନ୍ତ୍ରଣା ର ବିରହ ସଙ୍ଗୀତ

ତଥାପି ସେ ଆସିବହିଁ ଆସିବ

ଏଇଟାତ ନିତ୍ୟ ନୈମିତିକ ।