ଶିବ ସ୍ତୁତି

ଅର୍ଦ୍ଧନାରୀଶ୍ବର  ତ୍ରିପୁର ଇଶ୍ବର

   ରକ୍ଷାକର ସତୀପତି

ତ୍ରିଲୋଚନ ପ୍ରଭୁ  ରୁଦ୍ର ମହାଦେବ

    ଶରୀରେ ଦିଅ ଶକତି

ହେ ଗୌରୀଶଙ୍କର  କପିଳ ଇଶ୍ବର

    ଦୁର୍ଗତିନାଶିନୀ  ସ୍ବାମୀ

ଭବାନୀ ଶିବାନୀ   ଅମ୍ବିକା ପ୍ରିୟ

    ଚରଣେ କରେ ପ୍ରଣାମି

ଭୋଳାନାଥ ଦେବ  ଭୋଳାଶଙ୍କର ହେ

    ଅକିଂଚନେ ଦୟା ଥିବ

ସଂସାର ବକ୍ଷରେ   ତୁମ ନାମ ଜପି

    ଜୀବନ ଯେପରି ଯିବ

ମହେଶ ସୁରେଶ   ଦେବେଶ ଉମେଶ

    ଭୁବନ ଇଶ୍ବର ଶିବ

ଅଚିନ୍ତ୍ୟ ଅଗସ୍ତ୍ୟ    ଅକୁଳ ଅକ୍ଷତ

    ତୁମେ ପରା ଆଦିଦେବ

ଭକତ ବତ୍ସଳ     ବିଶ୍ବନାଥ ବାବା

    ଭୂତପତି  ଚନ୍ଦ୍ରଚୁଡ

ଦେବ ଦିଗମ୍ବର    ଦୁର୍ଦ୍ଧର୍ଷ କପର୍ଦ୍ଦି

    ପିନାକୀ ଶଙ୍କର ହର

କପାଳୀ କାମାରୀ   କବାଚୀ କଠୋର

    ଜଟାଧାରୀ ମହାକାଳ

ଦିଅ ହେ ସୁରକ୍ଷା    ସର୍ବଜ୍ଞ ଅନଘ

    ଦୂରେ ଥାଉ ଦୁଷ୍ଟ କାଳ

ବୀରଭଦ୍ର ସୋମ    ଭର୍ଗ ଭଗବାନ

     ମୃତ୍ୟୁଞ୍ଜୟ ବ୍ୟୋମକେଶ

ଶାଶ୍ବତ ସାତ୍ବିକ     ଅବ୍ୟକ୍ତ ଅନନ୍ତ

     ବିଶ୍ବେଶ୍ବର  ଆଶୁତୋଷ

ବିଷ୍ଣୁବଲ୍ଲଭ ହେ    ଶୁଳପାଣି ଶମ୍ଭୁ

     ଶିବଲୋକେ ସ୍ଥାନ ଦିଅ

ଅନ୍ତିମ କାଳରେ    ଭୂଜଙ୍ଗ ଭୂଷଣ

     ଦର୍ଶନ ହିଁ ଅଭିପ୍ରାୟ ।