ଶାନ୍ତିର ତୃତୀୟ ପୁରୁଷ

ମୁଁ ଏ ବିଶ୍ଵରେ ନିଜର କରିବାକୁ କାହାକୁ ,

ଜାହିର କଲା ବେଳେ ସମ୍ପର୍କୀୟ ବୋଲି ,

ସମସ୍ତେ ହସି ହସି ଦୂରେ ଦୂରେ ଦୂର ଦିଗ୍ ବଳୟେ ମିଶିଗଲେ !

ଯେମିତି ସେମାନେ ଏଠି କେହି ବି ନଥିଲେ ,

ଖାଲି ବିଶ୍ୱରେ ଏକଲା ହେବାକୁ ମୁଁ ହିଁ ଥିଲି !

ସ୍ଥାବର , ଜଙ୍ଗମ , କୀଟା ଦି ପତଙ୍ଗ ।

ମୁଁ ଚାରିଆଡେ ମୋ ସମ୍ପର୍କୀୟଙ୍କୁ ଖୋଜିବାରେ ଲାଗିଲି !

କାହାକୁ କେମିତି ଏକ ଭିନ୍ନ ଭାବରେ ,

ସମସ୍ତେ ନିଜ ନିଜ କାର୍ଯ୍ୟରେ ବୋଧେ ବ୍ୟସ୍ତ ଥିଲେ !

ମୋ ଅସହାୟ ବୋଧରେ କେହି ତରଳି ନଗଲେ ,

ମୋ ଦୁର୍ବଳତାକୁ ଚିହ୍ନି ନପାରିଲେ ,

କିଏ କେଉଁ ଉପମାରେ ମୋତେ ବିଭୂଷିତ କଲେ !

ଯାହାର ଯେଉଁଠି ଅପାରଗ ପଣ ଥାଏ ,

ବାରମ୍ବାର ସେଇଠି ହିଁ ମଣିଷଟି ଲଢିବା ପୂର୍ବରୁ ହାରିଯାଏ !

ମୁଁ ହାରିଗଲି ସେଇ ଗୋଟିଏ ହରାଇବା ବୋଧରେ ,

ଆଉ ନିଜେ ହାରିବାର ଆଗତ ପୂର୍ବାନୁମାନ ରେ !

ଏବେ ସମସ୍ତେ ନୀରବ !

ସ୍ଥାବର , ଜଙ୍ଗମ ,କୀଟା ଦି ପତଙ୍ଗ ,

ନୀରବତା ହିଁ ବୋଧେ ଅନିବାର୍ଯ୍ୟ ଏକ ଯୁଗର ଅନ୍ତରେ ,

ଝଡ଼ର ପ୍ରଥମ ପଦକ୍ଷେପ ହିଁ ଶାନ୍ତି ,

ଆଉ ଶାନ୍ତି ହିଁ ଦିଏ ପରବର୍ତ୍ତୀ ଶାନ୍ତିର ପୂର୍ବାନୁସୂଚନା ,

ଏବେ ଏବେ ମୁଁ ବୋଧେ ଶାନ୍ତିର ତୃତୀୟ ପୁରୁଷ!! !

ଲଢ଼ୁଥିବା ଏହି ସମ୍ପର୍କ ଯୁଦ୍ଧରେ ।