ଶାନ୍ତି

ମେଘ ପରେ ତୀକ୍ଷ୍ଣ ଖରା

ଭାଙ୍ଗି ଦେଉଛି

ଓଦା ସର ସର ମନ

ଜୀବନ ଯେମିତି

 ଅଂଶୁଘାତ ଦ୍ୱାରା ବନ୍ଦୀ 

ମୁକୁଳିବାକୁ ଆଉ ନାହିଁ ବାଟ l

ଯେମିତି ଖରା ଡରାଉଛି,ଏକ ବାଘ l

ଶରତ ଆସିବ ଆସିବ

 ପାରୁନାହିଁ ଆସି, କାଶତଣ୍ଡୀ ବିଂଚୁନି ଚଉଁର 

ବର୍ଷା ଯିବ ଯିବ

ପାରୁନାହିଁ ଯାଇଲଘୁଚାପ ଦେଇଛି ଅଟକି 

ଖରା ମଝିରେ ମଝିରେ

ଦେଖାଉଛି ଛଇ l

ସମୟ ଆଉ ଋତୁଚକ୍ର ଭିତରେ

ବୋଧେ ଆତଯାତ ନୁହେଁ

କିପରି ବଦଳିଯାଇଛି

ଆମର ଏ ସୁନ୍ଦର ପୃଥିବୀ,

ପରିବେଶ ନାହିଁ ଆଉ ଭଲ 

ଗଛ କମି, ଜନ ସଂଖ୍ୟା ବଢ଼େ ଅହରହ l

ବିଜ୍ଞାନର ଅଗ୍ରଗତି ହେଲେବି

ଜୀବନ ସଦା ଆତଙ୍କିତ,

ମୃତ୍ୟୁର ଭୟରେ l

ୟୁକ୍ରେନ ରୁଷିଆ,

ଚୀନ ଓ ଟାଇୱାନ,

ଆମେରିକା ଇରାକ,

ଭାରତ ପାକିସ୍ଥାନ ଭିତରେ

ଏ କିଲୋଭ ଓ ହିଂସାର ଖେଳ

କୁତ୍ସିତ ସାମ୍ରାଜ୍ୟ ବାଦ

 ଓ ଆତଙ୍କବାଦର ନଗ୍ନ ବିଭୀଷିକା l

ଜୀବନ ଯାତ୍ରl ରୁ

ଯେମିତି ହଟିଯାଇଛି

ସ୍ନେହ ଓ ମମତା

ପଡୋଶୀ ଆଉ

ପଡୋଶୀ ଭିତରେନାହିଁ

 ସଦଭାବନା ଓ ସତ ସମ୍ପର୍କର ଡୋର l

ବିଶ୍ୱ ଆତଙ୍କିତ,

 ପରମାଣୁ ବୋମାର

ହlକିମାତି ଚେହେରା ଭିତରେ

ମାନବିକତା

ଗାଉଛି ନଷ୍ଟ ଚରିତ୍ର ଗୀତ l

ହଁ, କିପରି ବଦଳିଯାଇଛି ସବୁଠି??

ଆଉ,ତ୍ରସ୍ତ ମଣିଷ

ପରିବେଶ ଉପରେ ଲେଖୁଛି

 ତପ୍ତ ଧରାର ଅସରନ୍ତି ଗଳ୍ପ ଓ କାହାଣୀ l

ଆଉ, କାଟୁଛି ନିଶବ୍ଦରେ ନିଜର ଗୋଡ଼

ଟାଣୁଆ କାତିରେ

ପାରୁ ନାହିଁ ଜାଣି

ରହି ଏକମାୟାର ସହରେ l

ଜୀବନ ଯଦି ଜୀବନ ନୁହେଁ

ନ ଶୁଭେ ଯଦି 

ଶାନ୍ତି ଓ ପ୍ରଶାନ୍ତି ର ମହାନାଦ

ନ ଶୁଭେ ଯଦି ଦିବ୍ୟ ବାଣୀ

ନିତ୍ୟ କର୍ଣ୍ଣ ଧାରେ

କିପରି ବଂଚିବ ଏଠି ମଣିଷ

ସପ୍ତ ସ୍ୱର ଗୀତ ଗାଇ ଗାଇ ?

ହଁ, ଏଠି

ବଦଳାଇବାକୁ ହେବ ସବୁକିଛି

ପ୍ରକୃତିକୁ ପାଇବାକୁ ହେବ ଭଲ

ମା ପରି

ଜୀବନର ମାନେ ବୁଝି 

ଉଡାଇବାକୁ ହେବ ଶାନ୍ତିର ପତାକା

ଭାଇବନ୍ଧୁ କୁଟୁମ୍ବର ଭାବ ଆଣି

ଗାଇବାକୁ ହେବ ବିଶ୍ୱ ଶାନ୍ତିର ମହାବାଣୀ

ଗାନ୍ଧୀ ଗୀତର ରାମଧ୍ୱନି l