ସେଇ ବାଡ଼ିଖିଆ ବତେଇଥିଲା ଲୋ

ଲୁଚେଇ ଲୁଚେଇ ଲୁହକୁ ପୋଛୁଚି

ଗାମୁଛା ହୋଇଲା ଓଦା

ସେଇ ବାଡ଼ିଖିଆ ବତେଇଥିଲା ଲୋ

ବସିଚି ଏଇନା ନିଦା !

ଗାରେଇ ପାରୁନି ସରମ ଲାଗୁଚି

ଅର୍ଥକୁ ମଗଜ ଊଣା

ସେଇ ବାଡ଼ିଖିଆ ବତେଇଥିଲା ଲୋ

କବିଟେ ଜବର ଗଣା !

ମୁହଁଟା ଲୁଚେଇ ଘରଟା ଭିତରେ

ବାହାର ଯାଉନି ଆଉ

ସେଇ ବାଡ଼ିଖିଆ ବତେଇଥିଲା ଲୋ

ପରକୁ ଦେବାକୁ ଦାଉ !

ଏଠେଇ ସେଠେଇ ମତକୁ ରଖିବା 

ବେଭାର ନଥିଲା ଜମା

ସେଇ ବାଡ଼ିଖିଆ ବତେଇଥିଲା ଲୋ

ଷଣ୍ଢକୁ ଦେବାକୁ ଚୁମା !

ସଭାକୁ ଗଲେଟି ଆଭାକୁ ଝଟକେ

ପ୍ରଶଂସା ମିଳିବ ବେଶୀ

ସେଇ ବାଡ଼ିଖିଆ ବତେଇଥିଲା ଲୋ

ନିନ୍ଦାକୁ ହଉଚି ଦୋଷୀ !

ଦଳକୁ କୁଳେଇ ବଳକୁ କଷୁଚି

ପଛରୁ ଖସିଲେ ସବୁ

ସେଇ ବାଡ଼ିଖିଆ ବତେଇଥିଲା ଲୋ

ପଛକୁ ସଭିଏଁ ଥିବୁ !