ସଡ଼କ ସୁରକ୍ଷା ଜୀବନ ରକ୍ଷା

ସଡ଼କ ସୁରକ୍ଷା ଜୀବନ ରକ୍ଷା

ଏହି କଥା ପରା କରିଛେ ଶିକ୍ଷା ।

ଦିନ ରାତି ଯେଉଁ ପଥେ ଚାଲୁଛେ 

ତାକୁ ଅଣଦେଖା କାହିଁ କରୁଛେ ।

ଠିକାଦାର କିଛି ନିଅନ୍ତି ହାତେ

ରାସ୍ତା କାମ ସବୁ କରିବେ ସତେ ।

ଦଶ ଦିନ କାମ ପାଞ୍ଚ ଦିନରେ

ସାରିଦେଉଥାନ୍ତି ନିଜ ଇଚ୍ଛାରେ ।

ମାସଟିଏ ବିତି ଥାଏ କି ନାହିଁ

ରାସ୍ତାର ଅବସ୍ଥା ବିଗିଡ଼ି ଯାଇ ।

ସରକାରୀ କାର୍ଯ୍ୟ ଏମିତି ଭଲା

ଉପର ରଙ୍ଗିନ୍ ଭିତର ପୋଲା ।

ହଜି ଗଲାଣିତ ସତିଆ ନୀତି

ଏଭଳି କାର୍ଯ୍ୟରେ ନଥାଏ ମତି ।

ଟଙ୍କା ଦିଆ ନିଆ ହାତକୁ ହାତ

ଯେ ପାଟି ଫିଟାଏ ଖାଏ ସେ ନାତ ।

ପ୍ରତିଦିନ ଘଟେ ଏ ଅଘଟଣ

ସଡକେ ନିଇତି ଯାଉଛି ପ୍ରାଣ ।

ଭାବିଛ କି ଥରେ ତାଙ୍କରି କଥା

ତାଙ୍କ ପରିବାର ହୃଦୟ ବ୍ୟଥା ।

ଭରଷା ରଖନା ଅନ୍ୟ ଉପରେ

ମୁଣ୍ଡ ଗଡ଼େ ଏଠି ଅଧା ରାସ୍ତାରେ ।

ବେଳଥାଉଁ ଆସ ସଜାଗ ହେବା

ସଡ଼କ ପଥକୁ ଧ୍ୟାନଟି ଦେବା ।