ଭୁଲି କି ପାରିବି

ଭୁଲି କି ପାରିବି ତୋ ଚାନ୍ଦ ମୁହଁକୁ

ତୁ ଯେ ମୋ ପ୍ରେମ ପ୍ରତୀକ

ପ୍ରେମର ଅର୍ଥ କୁ ପାଇଛି ମୁଁ ଖୋଜି

ତୋ ଠାରୁ ଏଇ ନାସ୍ତିକ ।

ଲାଜୁଆ ଲାଜୁଆ ଆଖି ଦୁଇ ତୋର

ମୋ ଆଖିରେ ଗଲା ମିଶି

ଚାରି ଆଖି ଯେବେ ହୋଇଲେ ମିଳନ

ହୃଦୟ ହୋଇଲା ଖୁସି ।

ହୃଦୟ ଖୁସିରେ ଶରୀର ଚମକେ

ଜାଣିଲି ତୋ ପ୍ରେମେ ପଡ଼ି

ସେ ପ୍ରେମକୁ ପୁଣି ଶକ୍ତ କରିବାକୁ

ହୃଦୟକୁ ଦେଲି ଯୋଡ଼ି ।

ପ୍ରେମ ଯେଉଁଠାରେ ସେଠି ଅଭିମାନ

ଜାବୁଡ଼ି ହୋଇକି ଥାଏ

ପ୍ରତି କ୍ଷଣେ ସେ ଯେ ପ୍ରେମୀ ଯୁଗଳଙ୍କୁ

ଆନମନା କରିଦିଏ ।

ସେ ଅଭିମାନ ରେ ପ୍ରେମର ବାସ୍ନାଟା 

ଦ୍ଵିଗୁଣିତ ହୋଇ ବଢ଼େ

ପ୍ରେମର ରୋଷଣୀ ବାଜେ ସୁମଧୁର

ସୁନ୍ଦର ପ୍ରୀତିର ଦାଢେ ।

ରଖିଛି ରଖିବି ରଖିଥିବି ତୋତେ

ଆତ୍ମୀୟତା କୋଠରୀରେ 

ଭାବିଛୁ କେମିତି ଭୁଲିବି ଗୋ ପ୍ରିୟା

ତୁ ପରା ମୋ ଅନ୍ତଃସ୍ଵରେ ।