ଆଖିର ଦରଜା ଡେଇଁ
ଆଖିର ଦରଜା ଡେଇଁ
1 min
153
ଆଖିର ଦରଜା ଡେଇଁ
ଲୁହ ଗଲେ ଓଠ ଛୁଇଁ
କିଛି ଦୁଃଖ ପଡେ ଶୋଇ
ସୁଖ ଟିକେ ଉଠେ ଚେଇଁ ।।
ଦୁଃଖ ସରୋବରେ ଯିଏ
ପ୍ରତିଦିନ ବୁଡ଼ ଦିଏ
କ୍ଷଣିକ ସୁଖରେ ସିଏ
କି'ଅବା ମଜ୍ଜିବ ହାଏ ।।
ଅଭିମାନ ଅଭିଯୋଗ
ସମ୍ପର୍କର ଯୋଗାଯୋଗ
ଯାହାକୁ ଦେଲାଣି ଦାଗ
ସେ କାହୁଁ ଖୋଜିବ ଭାଗ ।।
ଆଜି ଯିଏ ଚିହ୍ନାଥିଲା
କାଲିକି ଅଚିହ୍ନା ହେଲା
ଚିହ୍ନୁ ଚିହ୍ନୁ ବେଳ ଗଲା
ମନରେ ପ୍ରଶ୍ନ ଉଠିଲା ।।
ପ୍ରଶ୍ନ ଉତ୍ତରର ଖେଳ
ଯେବେ ହେଲା ଗୋଳମାଳ
ମିଳିଲାନି ଭାଗଫଳ
ମଥାରୁ ଝରିଲା ଝାଳ ।।
ଆଖିରେ ଚାହାଣୀ ଥିଲା
ଚଳଚଞ୍ଚଳ ନଥିଲା
ପ୍ରେମ ପ୍ରୀତି ମଉଳିଲା
ବୋଧେ ଏମିତି ଲାଗିଲା ।।