ନିଜକୁ ପଢ଼ିବା ଶିଖ

ନିଜକୁ ପଢ଼ିବା ଶିଖ

ନିଜ ଭୁଲ୍ ଆଗେ ଦେଖ 

ନିଜଠି ବିଶ୍ଵାସ ରଖ 

ସଫଳ ଲାଗିବ ପାଖ ।

କାହାକୁ ନଭାବ ଛୋଟ

କାହାଠି ନଲଗା ନାଟ

ସୃଷ୍ଟି କର ନାହିଁ ଫାଟ

ବାଜିବ ଅଦେଖା ଛାଟ ।

ମିଛକୁ ପ୍ରଶୟ ଦେଇ

ସତକୁ ଲୁଚାଅ ନାଇଁ

ସତଯେ ଆସିବ ଧାଇଁ

ମିଛକୁ ଜାଳିବା ପାଇଁ ।

କାଇଦାରେ କଥା କର 

କଥାରେ ସେନେହ ଭର 

କଥା ହେଲେ ଦୁରାଚାର 

ଛିଣ୍ଡେ ସମ୍ପର୍କର ଡୋର ।

ଜୀବନ ପାଣି ଫୋଟକା 

କ୍ଷଣିକେ ହୁଅଇ ଫିକା 

କାହାକୁ ନଦିଅ ଧୋକା

ଭଲ ହେଉ ଅବା ବୋକା ।

ବଞ୍ଚିଛେ ଆୟୁଷ ନେଇ

ଅହଂକାର କାହା ପାଇଁ

ପ୍ରାଣ ଗଲେ ଶୂନ୍ୟ ହୋଇ

ହସିବ ଶ୍ମଶାନ ଭୂଇଁ ।