ସବୁଜିମାର ସ୍ୱର

ଆମ ଏ ଧରିତ୍ରୀ ସବୁଜିମାର

ହେବାକୁ କୃଷକ ତୁଣ୍ଡରେ ସ୍ୱର।୧

ବରଷାକୁ ଦେଖି ଗାଉଛି ଗୀତ 

ପାଦେ ତେଲ ଦେଇ ହେବାକୁ ମିତ।୨

ମୁଣ୍ଡରେ ପଗଡ଼ି ବଳଦ ସାଥେ

ନ ଡରି ବର୍ଷାକୁ ଯାଏ ଏ ପଥେ।୩

ଶପଥ ନେଇଛି ସୌନ୍ଦର୍ଯ୍ୟ ଭାବ

ତୁଣ୍ଡରେ ଆହାର ଯୋଗାଇ ଦେବ।୪

ନିଜେ ପଛେ ଦୁଃଖ ଓ କଷ୍ଟ ପାଉ

ବିଶ୍ୱବାସୀ ତାର ଖାଇବା ପାଉ।୫

ସେ ପାଇଁ କୃଷକ କର୍ମରେ ମନ

ନିଜକୁ ଭାବିଛି ଅନେକ ଧନ୍ୟ।୬

ଆଦ୍ୟ ଆଷାଢ଼ରେ ରୁଆ ବିହୁଡା଼

ପଖାଳ ଖାଉଛି ବିଲର ହୁଡ଼ା।୭

ହୃଦୟ କନ୍ଦରେ ଦୁଃଖକୁ ଭୁଲି

ଭାବିନି ନିଜକୁ ଏ କର୍ମ କୁଲି।୮

ଧନ୍ୟରେ କୃଷକ ତୋର ବଡି଼ମା

ମୁଣ୍ଡ ନଇଁଯାଏ ମୋହର ସିନା।୯

ଜଗତ ପାଇଁ କି ଆହାର ତୁମେ

ସବୁଜିମା ଭରା କରୁଛ ଭୂମେ।୧୦