😢😢ସବୁ ଲେଖିଛନ୍ତି ପ୍ରଭୁ😢😢

ଯାହା ବି ହୋଇବ ଯେବେ ବି ହୋଇବ

ଲେଖି ଦେଇଛନ୍ତି ପ୍ରଭୁ।

କିପରି ହୋଇବ ନିଶ୍ଚିତ ହୋଇଛି

ରଚିଦେଇଛନ୍ତି ପ୍ରଭୁ।୧।

ଶକ୍ତିଶାଳୀ ସିଏ ସର୍ବୋପରି ସିଏ

ସବୁର କାରଣ ସିଏ।

ସମସ୍ତ ଭିଆଣ କରିଛନ୍ତି ସିଏ

ଜଗତ କର୍ତ୍ତାଟି ସିଏ।୨।

ସୁନ୍ଦର ଯେତିକି ଅନ୍ଧାର ସେତିକି

ନ ବୁଝି ପାରନ୍ତି ଜନ।

ନିରାକାର ପ୍ରଭୁ ଅପୂର୍ବ ଲୀଳାରେ

ପାଳୁଛନ୍ତି ଜନ ଜନ।୩।

ତାଙ୍କରି ନିର୍ଦ୍ଦେଶ ଗତିବାନ ହୁଏ

ଚରାଚର ପୄଥିବୀ ଜାଣ।

ଲେଖି ଦେଇଛନ୍ତି ଲଲାଟ ପଟ୍ଟଳେ

ଆନ ନ ହୋଇବ ମାନ।୪।

କର୍ମ କରିବାରେ ମନୁଷ୍ୟ ଜୀବନ

ଜନ୍ମ ନେଇ ଥାଏ ଭବେ।

ପ୍ରେମ ଜ୍ଞାନ ପାଇ ପ୍ରେମର ଭକ୍ତିରେ

କର୍ମୀ ହୋଇ ଥାଏ ଭବେ।୫।

ଜ୍ଞାନର ଭଣ୍ଡାର ଭରି ଦିଅ ପ୍ରଭୁ

ପଥ ସତ୍ୟଗାମୀ ହେଉ।

ମାତୃଭୂମି ସେବା ନିତ୍ୟେ ହେଉ ଥାଉ

ଜନତାଙ୍କ ସେବା ହେଉ।୬।

ନିଃସ୍ୱାର୍ଥ ସେବାର ନିଃସ୍ୱାର୍ଥ ଭକ୍ତିର

ଶକ୍ତି ଭରି ଦିଅ ପ୍ରାଣେ।

ନର ଜନ୍ମ ମୋର ପବିତ୍ର କର ହେ

ସମଭାବ ରହୁ ପ୍ରାଣେ।୭।