ସ୍ବପ୍ନ
ସ୍ବପ୍ନ
1 min
137
ମୁଁ ଦେଖିଛି ଏକ ସପନ
ଦେବାକୁ ସଫଳ ରୂପାୟନ
କରୁଛି ପ୍ରୟାସ ସଦା
ଦେଇକରି ମନଧ୍ୟାନ ।
କର୍ମରେ ହୋଇ ଲୀନ
ସଦା ମୁଁ ଦଣ୍ଡାୟମାନ
ବାସ୍ତବର ରୂପ ଦେବାପାଇଁ
ଗଣୁଥାଏ ଖାଲି ଦିନ ।
ସପନ ତ
ପୁଣି ସପନ
ବାସ୍ତବର ରୂପନେବ ଦିନେ
କୃପାକଲେ ଭଗବାନ ।
ଗୀତାରେ ଅଛି ଲେଖା
କହନ୍ତି ଶ୍ରୀକୃଷ୍ଣ ଭଗବାନ
କର୍ମଣ୍ଣ୍ୟେ ବାଧିକାରସ୍ତେ
ମାଫଳେଷୁ କଦାଚନ ।
ଯଦି ବା ସପନ ନହୁଏ ପୂରଣ
କରିବା ନାହିଁ ଦୁଃଖ ମନ
ହାରେ ନାହିଁ ସିଏ ଜଗତରେ କେବେ
ଯଦି କରୁଥାଏ ସଦା ଉଦ୍ୟମ ।
ଆସ ଭାଇ ଭଉଣୀ ସକଳେ
ଦେଖିବା ସୁକୃତ ସପନ
ସପନ ହୀନ ଜୀବନ
ନୁହଁଇ ଜୀବନ
ଯହିଁ ନଥାଏ ସଂଗ୍ରାମ ।
ଅହରହ ଆମେ କରିବା ପ୍ରୟାସ
କାର୍ଯ୍ୟରେ ଦେଇମନ
କର୍ତ୍ତବ୍ୟ ପୂରଣ ଶାଶ୍ବତ ଧରମ
କର୍ମ ହିଁ ତ ଭଗବାନ,କର୍ମ ହିଁ ତ ଭଗବାନ ।