ସ୍ବପ୍ନ ର ପାହାଡ
ସ୍ବପ୍ନ ର ପାହାଡ
![](https://cdn.storymirror.com/static/1pximage.jpeg)
1 min
![](https://cdn.storymirror.com/static/1pximage.jpeg)
23
ସ୍ୱପ୍ନର ପାହାଡ଼ ରଚିଥିଲି ଦିନେ
ବାମନର ରୂପ ନେଇ,
ତଥାପି ଚାନ୍ଦକୁ ହାତ ବଢାଇନି
ହୀରା ମୋତି ମାଗିନାହିଁ ।
ମୁଠା ମୁଠା ମାଟି ଖସେ ପାହାଡ଼ରୁ
ସ୍ୱପ୍ନ ସବୁ ଯାଏ ଧୋଇ,
ଜୀବନ ଯାତ୍ରାର ମଝି ସଡ଼କରେ
ରାତି ସବୁ ଯାଏ ପାହି ।
ନିଦ ହଜିଯାଏ ରାତି ସାରିଯାଏ
ସ୍ୱପ୍ନ ଯାଏ ବଢି ବଢି,
କାହୁଁ ତ ଦିଶେ ନି ଆଶାର କିରଣ
ମନ ଯାଏ ମରି ମରି ।
ସ୍ୱପ୍ନ ସହରରେ କାଟୁଥିବି ରାତି
ଆଉ ବାକି କେତେ ରାତି,
ଶେଷ ରାତି ବୋଧେ ସରିଯିବ ଏଠି
ସ୍ୱପ୍ନ ରହିଯିବ ବାକି !