ସାତସୁରେ ବନ୍ଧା ଏ ଜୀବନ
ସାତସୁରେ ବନ୍ଧା ଏ ଜୀବନ
• ସାତସୁରେ ବନ୍ଧା ଏ ଜୀବନ
• କବିଶ୍ରୀ ପ୍ରଫୁଲ୍ଲ ଚନ୍ଦ୍ର ମିଶ୍ର , ମଙ୍ଗଳାଯୋଡି , ଖୋର୍ଦ୍ଧା
• ---------- -------------------- ----------
• ଚଇତି ଚାନ୍ଦିନୀ ରାତି , ଏ ଛାତିରେ କେତେ ତାତି
• ଝରିଯାଏ ରୂପା ଝରା ଶୁଭ୍ର କିରଣ
• ଆନ୍ଦୋଳିତ ହୁଏ ସହୀ ତୋ ବିନା ମନ ।।
•
• ଚଇତି ର ଚଇତାଳି , ବାସ ଅନିଳେ ସଂଚରି
• ଆନମନା କରେ ପ୍ରାଣ , ହୁଏ ଉଚ୍ଛନ୍ନ
• ତୁମେ ପ୍ରୀୟା କେତେ ଦୂରେ , ପ୍ରବାସେ ଏ ମନ ଝୁରେ
• ଆଖି ପଲକରେ ନାଚେ ମୁଖ ପ୍ରସୁନ
• ଅଦୂରୁ ଶୁଭଇ ପକ୍ଷୀ ଦମ୍ପତି ଗାନ ,
• ଚଇତି ଚାନ୍ଦିନୀ ରାତି… ।।
•
• କୋହଭରା ଦୁଃଖ ଗୀତି , ଏଇଯେ ନିର୍ଜନ ରାତି
• ବିଛେଦ ଭରା ବିରହ ରାଗିଣୀ ତାନ
• ବିହ୍ବଳ ହୁଏ ଜୀବନ , ଉଡ଼ି ଉଡ଼ି ଯାଏ ମନ
• ବିରହ ଗୀତିକା ସଖୀ କରେ ବିସର୍ଣ୍ଣ
• ଅଧୀର ହୁଅଇ ମନ,ପ୍ରାଣ, ଜୀବନ ,
• ଚଇତି ଚାନ୍ଦିନୀ ରାତି… ।।
•
• ସରସୀ ରେ କୁମୁଦିନୀ , କୁମୁଦ ବାନ୍ଧବ ଘେନି
• ଲୁଚକାଳି ଖେଳେ ଜଳେ ପ୍ରେମେ ମଗନ
• ଚନ୍ଦ୍ର, କୁମୁଦିନୀ ପ୍ରେମ , ଦେଖି ଇର୍ଷା ଜାଗେ ମନ
• ଆହା କେତେ ମଧୂମୟ ଶଶି ଚୁମ୍ବନ
• ବିହି ମୋ ପାଇଁ ରେ ସହୀ ହୋଇଛି ବାମ ,
• ଚଇତି ଚାନ୍ଦିନୀ ରାତି… ।।
•
• ରାତି ଯାଏ ସାଥି ବିତି , ବେସୁରା ବଇଁଶୀ ଗୀତି
• ଛିଣ୍ଡା ତାର ବୀଣାଯନ୍ତ୍ରେ , କିବା ଗୁଞ୍ଚନ
• ସୁର ରଙ୍ଗ ହୀନ ସମ , ପରଦେଶ ରେ ଜୀବନ
• ତଥାପି ରେ ପ୍ରୀୟା ଆମ , ପ୍ରେମ ବନ୍ଧନ
• ଚିର ସାସ୍ଵତ ସତ୍ୟ , ଓ ଚିରନ୍ତନ
• ଚଇତି ଚାନ୍ଦିନୀ ରାତି… ।।
•
• ଜୀବନ ର ଚଲାପଥେ , କେତେ ବାଧା ବନ୍ଧ ଆସେ
• ବିରହ,ମିଳନ ମିତ , ସୁଖ ସପନ
• କେବେ ହଜିଯାଏ କେବେ , ଉଙ୍କି ମାରି ଚାହିଁ ଥାଏ ,
• ପ୍ରକୃତି ପୁରୁଷେ ହୁଏ , ମହା ମିଳନ
• ସାତସୁରେ ବନ୍ଧା ପରା , ଏହି ଜୀବନ
• ଚଇତି ଚାନ୍ଦିନୀ ରାତି… ।।