ସାଥି ତୁମେ

ଏମିତି ବି କଥା ଥାଏ

କହିବାର ଆବଶ୍ୟକ ନଥାଏ

ବୁଝିଯାଅ ତୁମେ କେମିତି ଯେ

ବୁଝିବି ଅବୁଝା ମୁଁ ଆଜି ଯେ ।।

ସୁନ୍ଦର ହୋଇଯାଏ ଏ ଜୀବନ

ଯେବେ ତୁମେ କୁହ

ସାଥି ଆମେ ଏ ଜୀବନର

ହେବାନି ଆମେ କେବେ ଦୂର ।।

ସମୟ ଦେଉ ପଛେ ଯେତେ ଯାତନା

ଦୁହେଁ ମିଳି କରିବା ଆମେ ସାମ୍ନା

ଦୁଃଖ ଆଉ ସୁଖ ସମୟର ବୃତ୍ତ

ପଛକୁ ପଛ ଆସିବ ସେତ ।।

ସତରେ କି ଏମିତି ବି ହୁଏ

କେହି ପର ବା ଆପଣାର ହୁଏ

କିଛି ଭାବନା ଅନୁଭୁତିର ରୂପ ନିଏ

ସପନ ବି କେବେ ସତ ହୋଇଯାଏ ।।

ସାଥି ତୁମେ ଏମିତି ମଣିଷ ଟିଏ

ସାଥେ ଥିଲେ କିଛି ଖାଲି ସ୍ଥାନ ପୂରଣ ହୁଏ

ମନର ସେ ଅଲିଭା କାଗଜରେ

ଲେଖି ହୋଇଯାଏ ସେଇ ପଲକରେ ।।