ସାରା ଜୀବନ ହସିବ
ସାରା ଜୀବନ ହସିବ
ଆଜିକାଲି ଯୁଗ ବଡ଼ ଅଜବ ଲୋ
ଦେଖି ଚାହିଁ ଟିକେ ଚାଲିବୁ
ପ୍ରେମ ପଥ ଅଟେ ବଡ଼ ଖସଡ଼ା ଲୋ
ଦେଖି ଚାହିଁ ପାଦ ଥାପିବୁ ।
ଆଜିକାଲି ପ୍ରେମ ଭେଜାଲ ହେଲାଣି
ଦେଖି ଚାହିଁ ପ୍ରେମ କରିବୁ
ଆଜିର ମଣିଷ ଅଜବ ହେଲେଣି
ଭଲ ମଣିଷକୁ ଚିନ୍ହିବୁ ।
ରୂପ ଦେଖିବୁନି ଗୁଣକୁ ଦେଖିବୁ
ଗୁଣ ଦେଖି ପ୍ରେମ କରିବୁ
ବୁଝି ବିଚାରି ପ୍ରେମତୁ କରିଲେ
ସୁନାର ସଂସାର କରିବୁ ।
ପ୍ରେମର ପଛରେ ଗୋଡେଇବୁ ନାହିଁ
ନିଜକୁ ନିଜେତୁ ଗଢିବୁ
ନିଜରଗୋଡ଼ ରେ ନିଜେ ଛିଡା ହେଲେ
ଜୀବନ ସାଥି ଟେ ବାଛିବୁ ।
ଯୌବନ ରୂପ ଅଢେ଼ଇ ଦିନିଆ
ଅଢେ଼ଇ ଦିନ ରେ ଖସିବ
ଭଲ ସାଥିଟିଏ ଜୀବନ ରେ ଥିଲେ
ସାରା ଜୀବନ ହସିବ ।