ସାହାସର ଗାଥା

ପାଣିରେ ଭାସିଲା,

କାଗଜର ଡଙ୍ଗା,

ଡୁବିଗଲା,

ଡଙ୍ଗାର କଥା ନୁହେଁ, ସାହାସର ଗାଥା ।

ଅଲୋକାଭିମୁଖୀ,

ଛୋଟିଆ ପତଙ୍ଗ,

ଜଳିଗଲା,

ପତଙ୍ଗର କଥା ନୁହେଁ, ସାହାସର ଗାଥା ।

ସାଗରର ବେଳାଭୂମି,

ବାଲୁକାର ଦୁର୍ଗ,

ଭାଙ୍ଗିଗଲା,

ଦୁର୍ଗର କଥା ନୁହେଁ, ସାହାସର ଗାଥା ।

ସୂର୍ଯ୍ୟର ଅଜସ୍ର ପ୍ରଭା, 

କ୍ଷୁଦ୍ର ଦୀପ,

ନିଃଷ୍ପ୍ରଭ ହୋଇଗଲା,

ଦୀପର କଥା ନୁହେଁ, ସାହାସର ଗାଥା ।

ଆକାଶର ଛାତିରେ, 

ଧୂମକେତୁର ଲିପି, 

ଲିଭିଗଲା, ଲିପିର କଥା ନୁହେଁ,

ସାହାସର ଗାଥା ।

ପାହାଡ଼ର ପାଦଦେଶେ,

ଝରଣାର ଜିଦ୍,

 ଶୁଖିଗଲା, 

ଝରଣାର କଥା ନୁହେଁ, 

ସାହାସର ଗାଥା ।

ଶୀତର ପ୍ରକୋପରେ,

ଶେଷ ପାଖୁଡ଼ାଟି, 

ଝଡ଼ିଗଲା, 

ଫୁଲର କଥା ନୁହେଁ, 

ସାହାସର ଗାଥା ।

ଅଥଳ ଆକାଶ ପଥେ, 

କାଗଜର ଗୁଡ଼ିଟିଏ, 

ଛିଣ୍ଡିଗଲା,

ଗୁଡ଼ିର କଥା ନୁହେଁ, 

ସାହାସର ଗାଥା ।