ସ୍ୱର୍ଗ ଠାରୁ ବଡ଼
ସ୍ୱର୍ଗ ଠାରୁ ବଡ଼
1 min
326
ସ୍ୱର୍ଗ ଠାରୁ ବଡ଼ ବିଶାଳ ହୃଦୟ
ସେ ଅଟନ୍ତି ଆମ ବାପା
ଦୟାର ସାଗର ସ୍ନେହର ଭଣ୍ଡାର
ହୁଅନ୍ତିନି କେବେ ଖପା l
ଦୁଃଖକଷ୍ଟ ସବୁ ସହି ଯାଆନ୍ତି
ସନ୍ତାନର ସୁଖ ପାଇଁ
ସମସ୍ତଙ୍କ ମୁଖେ ହସ ଦେଇଥାନ୍ତି
ନିଜ ଖୁସି ଭୁଲିଯାଇ l
ପରିବାର ଚିନ୍ତା ତାଙ୍କରି ମୁଣ୍ଡରେ
ସଦାବେଳେ ରହିଥାଏ
ପିଲାମାନଙ୍କର ଭବିଷ୍ୟତ ଚିନ୍ତା
ଦିନରାତି ଘୁରୁଥାଏ l
ଭଲ ବୁଦ୍ଧି ଜ୍ଞାନ ପିଲାଙ୍କୁ ଶିଖାନ୍ତି
ଭଲ ବାଟେ ସଦା ନେଇ
ଅବାଟରେ ଗଲେ ବାଟ ସେ ଦେଖାନ୍ତି
ସ୍ନେହ ଶରଧା ଦେଇ l