ସ୍ୱାଧୀନତା

ସ୍ୱାଧିକାର କୁ ସପନର ଡେଣା ଦେଇ

ଆତ୍ମ ସମ୍ମାନକୁ ଧୀରେ ଧୀରେ

ଆତ୍ମ ତୃପ୍ତିର ସୁନେଲି ସକାଳ ଆଡ଼କୁ

କଡ଼େଇ ନେଇ ଜୀବନ ଜିଇଁ ବାର

ଆଶା ଗୁଡ଼ିକୁ ସାଉଁଟି ଆଣି

ଅଣ୍ଟିରେ ପୁରେଇ ଦେଉଥିବା

ଅନୁଭବ ଟିଏ ସ୍ୱାଧୀନତା ।

ମନ ଅଗଣାରେ ଫୁଟୁଥିବା ଫୁଲର ବାସ୍ନା କୁ

ମୁକ୍ତ ଆକାଶେ ନିର୍ଭୀକ

ବିଚ୍ଛୁରିତ କରେଇ

ଚଉଦିଗ ମହକାଇ ଦେଉଥିବା

ଅତି ସୁନ୍ଦର

ଭାବନା ଟିଏ ସ୍ୱାଧୀନତା।

ଜାତି, ଧର୍ମ, ବର୍ଣ୍ଣ, କର୍ମ, ପଦ , ପଦବୀ,

ସବୁରି ଭିତରେ ଥିବା ପାର୍ଥକ୍ୟ କୁ

ସମାନତାର ଚାଦର ଘୋଡେ଼ଇ

ହୃଦୟର ଆକାଂକ୍ଷା କୁ

ଜୀବନ୍ତ ରୂପ ଦେଉଥିବା

ସାଥି ଟିଏ ସ୍ୱାଧୀନତା ।

ନାରୀ ପୁରୁଷ ଭଳି

ସମାଜର ଦୁଇ ଅବିଚ୍ଛେଦ୍ୟ ଅଙ୍ଗ କୁ

ପାରମ୍ପରିକ ଶିକୁଳିରୁ ମୁକ୍ତ କରାଇ

କିଛି ଅଧିକାରକୁ ନବରୂପ ଦେଇ

ଉଭୟଙ୍କ ପାଇଁ ପଥ ପରିଷ୍କାର କରୁଥିବା

ଆଲୋକର ଧାରା ଟିଏ ସ୍ୱାଧୀନତା ।

ଜୀବନ ଶୂନ୍ୟ ଅଚଳ ପ୍ରାୟ ସ୍ପନ୍ଦନ କୁ

ପୁନଃ ପ୍ରଷ୍ଫୁଟିତ କରେଇ

ନିର୍ଜୀବ ଦୁନିଆକୁ ରଙ୍ଗୀନ କରି ଦେଉଥିବା

ଉନ୍ମୁକ୍ତ ରକ୍ତ ସଞ୍ଚାଳନ ଟିଏ ସ୍ୱାଧୀନତା।