ରଥ ଯାତ୍ରାର କଥା

ନଅ ଦିନ ପାଇଁ ଛାଡ଼ି ଚାଲିଗଲେ

କାଳିଆ ରଜା  

ଦାଣ୍ଡରେ ବୁଲିବେ ଭକତ ଗହଣେ   ନିରଞ୍ଜନ ସାହୁ

କରିବେ ମଜା    

        

ମାଉସୀ ମାଆଙ୍କୁ ଅଝଟ କରିବେ

ଖାଇବେ ଖଜା

ଭାଇ ଭଉଣୀ ଙ୍କୁ ସାଥିରେ ଧରି

ମାରିବେ ମଜା   

ରାଗ ତମ ତମ ଲକ୍ଷ୍ମୀ ଠାକୁରାଣୀ

ଛାଡି ଚାଲିଗଲେ ବୋଲି

ରାତି ଅଧଟାରେ ରଥ କୁ ଭାଙ୍ଗିଲେ

ଦୁଃଖ କୁ ଯିବାକୁ ଭୁଲି   

ଭକତ ଭାବରେ ବନ୍ଧା ସେ କାଳିଆ

ଭକତ ହିଁ ତାର ଜୀବନ

ଵାରମାସେ ତେର ପରବ କରିଛି

ଭକତ ଜୀବନ ଧନ   

ଭକତ ପାଇଁ ସେ ସବୁ ଭୁଲିଯିବ

ସ୍ତ୍ରୀ କିବା ଅଟେ ଛାର

ଭକତ ପ୍ରେମରେ ବାୟା ସେ ହୁଅଇ

ଭକ୍ତ ପାଖେ ନିରନ୍ତର  

ଭାଇ ଭଉଣୀ କୁ ସାଙ୍ଗରେ ଆଣିଲା

ଭକତ ଦେଖିବେ ବୋଲି 

ସ୍ତ୍ରୀ ଙ୍କୁ ସାଙ୍ଗରେ ଆଣି ପାରିଲାନି

ଦେଢଶୁର ଅଛି ବୋଲି 

ଏତକ କଥାକୁ ବୁଝିପାରିଲେନି

ଲକ୍ଷ୍ମୀ ଠାକୁରାଣୀ ମାଆ

ରାଗ ତମ ତମେ ରଥ କୁ ଭାଙ୍ଗିଲେ

କଲେ ନାହିଁ ଦୟାମାୟା  

ନଅ ଦିନ ପରେ ଘରକୁ ଫେରିବେ

ଲକ୍ଷ୍ମୀ ଙ୍କ ଜୀବନ ଧନ

ଅଭିମାନ ଛାଡି ପାଛୋଟି ନେବେ

ଭୁଲିଯିବେ ଅପମାନ  

ଲକ୍ଷ୍ମୀ ମାଆ ଯେବେ ଚାଲି ଯାଇଥିଲେ

ପ୍ରଭୁ ଯାଇ ଡାକି ଆଣିଲେ

ପ୍ରଭୁ ଏବେ ଛାଡି ଚାଲିଯାଇଛନ୍ତି

କଣ ବା ଭୁଲ କରିଲେ 

ପଛକଥା ଭୁଲି ଶ୍ରୀମନ୍ଦିରରେ

ହସଖୁସିରେ ରହିବେ

ଭକତ ମାନଙ୍କୁ ଦରଶନ ଦେଇ

ଜଗତ ମଙ୍ଗଳ କରିବେ