ରକ୍ଷା ବନ୍ଧନ
ରକ୍ଷା ବନ୍ଧନ
ଶ୍ରାବଣ ପୂର୍ଣ୍ଣିମା ବଳଦେବ ଜନ୍ମ
ରକ୍ଷା ବନ୍ଧନ ଅଟଇ
ଉଉଣୀ ଭାଇର ଶୁଭ ଚିନ୍ତାକରେ
ହାତେ ରାକ୍ଷୀ ବାନ୍ଧିଦେଇ ।
ଶ୍ରୀମନ୍ଦିରେ ଆଜି ଗହଳ ଚହଳ
ଶଙ୍କର୍ଷଣ ଜନ୍ମଦିନ
ଗେଲେହି ସୁଭଦ୍ରା ଦୁଇଭ୍ରାତଙ୍କୁ ଯେ
କରନ୍ତି ରକ୍ଷା ବନ୍ଧନ ।
ଆମ ସଂସ୍କୃତିର ମହାନ ପରଵ
ଗହ୍ମା ପୂର୍ଣ୍ଣିମାର ଦିନ
ରାଧାରାଣୀ ସହ ଝୁଲଣ ବେଦୀରେ
ଵିଜେ କୃଷ୍ଣ ଭଗବାନ ।
ଭାଇ ଭଉଣୀର ପବିତ୍ର ସମ୍ପର୍କ
ସ୍ନେହ ଶ୍ରଦ୍ଧାର ସମ୍ଭାର
ଯୁଗ ଯୁଗର ଏ ଅତୁଟ ସଂମ୍ପର୍କ
ନାହିଁ ତାର ପଟାନ୍ତର ।
ରେଶମୀ ସୂତାର ଖିଅ ନୁହେଁ ସିଏ
ସମ୍ପର୍କର ପ୍ରୀତି ଧାରା
ଭାଇ ଭଉଣୀର ଅତୁଟ ସ୍ନେହର
ଭରସାର ପୂଣ୍ୟ ଧାରା ।
ରାକ୍ଷୀ ନୁହେଁ ସେତ ସଂପର୍କର ସାକ୍ଷୀ
ଭାଇ ଭଉଣୀର ଭାବ
ସେନେହ ମମତା ଝରି ପଡିଥାଏ
ରାକ୍ଷୀରେ ବନ୍ଧାସେ ଭାବ ।
ସତ୍ୟ ସନାତନ ଧର୍ମ ପରମ୍ପରା
ରହିଥାଉ ସବୁ ଦିନ
ଭାଇ ଭଉଣୀର ଅନାବିଳ ସ୍ନେହ
ସାକ୍ଷୀଥାଉ ଚିରଦିନ।