ରଖିବୁ ଆଉ କେତେ ହିସାବ

କେତେ ଆଉ ରଖିବୁ ହିସାବ

ହସ ଲୁହ ପାପ ପୁଣ୍ୟର

ଆସିଛୁ ଫୁଙ୍ଗୁଳା ଯିବୁ ତୁ ଫୁଙ୍ଗୁଳା

ରଖିଛୁ ମନେ ମିଛ ରାଗରୁଷା ଅଭିମାନ

ଆଜି ମରିଗଲେ କାଲି ପରା ଦୁଇଦିନ।।

ଦୁଇ ଦିନର ଜୀବନେ

ବର୍ଷ ମାସ ଦିନ ଦଣ୍ଡ ରଖୁଛି ଯିଏ ହିସାବ

ତୋ ଶେଷ ସମୟେ

ଖାଲି ଯାହା କର୍ମରେ ମନେ ରଖିବା ସମ୍ଭବ

ଚାଲରେ!! ଏ ମନ ଆଉ କେତେ ରଖିବୁ ହିସାବ

ତୋ ପାପ ପୂଣ୍ୟ ହସ ଆଉ ଲୁହର

ଖିଆଲି ବୟସ ର ଅମାପ ସ୍ୱପ୍ନ

ପୂରଣ କରୁ କରୁ ଚାଲିଯିବ ଦିନେ ଏ ଜୀବନ ।

ତୋ କର୍ମ ରହିଥିବ ହିସାବ କରିବାକୁ

କେତେ ପାପ ତୋର କେତେ ଯେ ପୂଣ୍ୟ ।

ମାୟା ଭ୍ରମେ ବୁଡି ଥିବା  ମନ ପ୍ରାଣ

ଖୋଜୁଥିବ ସଫଳତା ବିଫଳତାର ହିସାବମାନ

ନିମିଷକେ ମାତ୍ରେ ସବୁ ଖେଳ ହେବ ଶେଷ!!

ଅଙ୍କକଷା କଷି ଯେ ସବୁ ହେବ ମୂଲ୍ୟ ହୀନ।