ରଜନୀ

ଦିବସ ସରିଲା   ସଞ୍ଜ ବି ହୋଇଲା

    ଅନ୍ଧକାର ଦେଖାଗଲା

କଳାଶାଢ଼ି ପିନ୍ଧି   ରଜନୀ ରାଣୀ ତା

   ଆସ୍ଥାନ ବିଛାଇ ଦେଲା ।୧।

ଦିବସର କର୍ମ   ଶେଷକରି ସର୍ବେ

    ନିଜ ନିଜ ଗୃହେ ଥିଲେ

ରାତ୍ର ଭୋଜନରେ   ଭାଗନେବା ପରେ

    ଶୟନ କକ୍ଷକୁ ଗଲେ ।୨।

ଅନ୍ଧାର ଯେତିକି   ନୀରବ ସେତିକି

    ବଢ଼ି ବଢ଼ି ଯାଏ ରାତି

ଗାଆଁ ସହରର   ଜନତା କଲେଣି

    ନିଦ ମାଉସୀକୁ ସାଥୀ ।୩।

ଆନ୍ଧାର ରାତିରେ   ପଦଯାତ୍ରା କଲେ

    ଭୟ ଜାତ ହୋଇଥାଏ

ସେ ସମୟେ କିଛି   ଶବଦ ଶୁଭିଲେ

    ଦେହ ବି ଚମକି ଯାଏ ।୪।

ଦୂର ଆକାଶରୁ   ରୂପେଲି ଚନ୍ଦ୍ରମା

    ଜୋଛନା ଢାଳଇ ଯେତେ

ଏଭଳି ଦୃଶ୍ଯର   ଉପଭୋଗ ପାଇଁ

    ପ୍ରିୟା ଥାଏ ମୋର ସାଥେ ।୫।

ବନ ଉପବନେ   ବାଡ଼ି ବଗିଚାରେ

    ଫୁଲଫୁଟି ମହକଇ

ପୋଖରୀ ଜଳରେ   ପ୍ରଷ୍ପୁଟିତ ହୋଇ

    ଜହ୍ନକୁ ଚାହିଁଛି କଇଁ ।୬।