ରଜଦୋଳି

ଦୋଳି କେ ଖେଳିବ ଦଉଡି଼ ଆସ

ଗାଁ'ଦାଣ୍ଡେ ପଡି଼ଛି ରଜର ହସ।୧

ତିନି ବାହୁଲିଆ ଓ ଡଙ୍ଗା ଦୋଳି

ଖାଇ ଦୋଳି ଦେଖ ଭଳିକି ଭଳି।୨

ଗଛ ଦୋଳି ପୁଣି ନ'ବାହୁଲିଆ

ଚକ୍ରଦୋଳିଙ୍କଠି ଭିଡ଼ ବଢି଼ଆ।୩

ଗାଆଁ ସ୍ତ୍ରୀ ଲୋକ ଓ ଝିଅଙ୍କ ମେଳା

ଯେମିତି ସମୁଦ୍ର ଭିତରେ ଭେଳା।୪

ଉଡୁଅଛି ଦୋଳି ଆକାଶ ଛୁଆଁ

ଗୀତର ଲହରି ଯେମିତି ଧୂଆଁ।୫

ବାଦିଗୀତ ଏଠି ନାରୀ ପୁରୁଷ

ଯିଏ ଜିତିଯିବ ଖାସି ମାଉଁଷ।୬

ହାରିବା ଦଳଟି ଖାଇବା ଦେବ

ଭାଇଚାରା ଆହା ବନ୍ଧାରେ ଭାବ।୭

ଏମିତି ସମୟ ଆସିଛି ଭାଇ

ରଜର ଦୋଳିରେ ବସିଲେ ଯାଇ।୮

ବୁଝିବ ମହତ୍ତ୍ୱ ରଜ ଦୋଳିର

ବରଷକେ ଏହା ବୁହଇ ଝର।୯

ପରଣାମ ଘେନ ହେ ରଜବତୀ

ନ ଯାଉ ଦିନଟି ନ ପାହୁ ରାତି।୧୦