ରହସ୍ୟ

ବିଚିତ୍ର ଏ ସ୍ରୃଷ୍ଟି ର ରହସ୍ୟ ! 

କିଏ କହିବ ,

କେଉଁଠି ଆରମ୍ଭ ଅବା କେଉଁଠି ତା'ର ଶେଷ !

କିଏ ତିଆରିଛି ସମୁଦ୍ର,କିଏ ବା ଗଢ଼ିଛି ଆକାଶ।

ଋତୁଚକ୍ର ର ଆବର୍ତ୍ତକ କିଏ,

କିଏସେ ପବନ ପ୍ରବାହ ର ନିୟନ୍ତ୍ରକ?

ଗଛ ଆଗ ନା ମଂଜି ଆଗ, କିଏସେ ଫୁଟାଏ ଫୁଲ?

କାହା ଆଦେଶ ରେ,

ଆଗ୍ନେୟଗିରି ରୁ ଖସିପଡ଼େ ନିଆଁ ଝୁଲ ?

ଜାଣିଛକି କିଏ ଜୀବନ ଓ ମୃତ୍ୟୁ ର ରହସ୍ୟ ?

ଭାରି ବିଚିତ୍ର ବିସ୍ମୟକର ସ୍ରୃଷ୍ଟିର ଏ ରହସ୍ୟ !

କିଏ ତିଆରିଛି ? କାହିଁକି ବା ?

ଏ ଗ୍ରହ ନକ୍ଷତ୍ର ଓ ଅସଂଖ୍ୟ ତାରାପୁଂଜ ?

ଅକଳନ୍ତି ଉଦ୍ଭାବନ ଓ ଆବିଷ୍କାର ସତ୍ତ୍ୱେ,

ସ୍ରୁଷ୍ଟିର ରହସ୍ୟ କିନ୍ତୁ ସନ୍ଦେହ ର ଘେରରେ ।।

ରହସ୍ୟବାଦୀର ଅସୁମାରୀ ଉଦ୍ଘାଟନ ପରେ ବି,

ସେଇ ସର୍ବଶକ୍ତିମାନ୍ ଏ ଯାବତ୍,

ଅରୂପ , ଅବର୍ଣ୍ଣନୀୟ, ଓ ନିରାକାର।।

କୋଟି ପ୍ରଣାମ ସେଇ ଅଦ୍ରୃଶ୍ୟ ସତ୍ତାଙ୍କୁ,

ଯାହାଙ୍କର ଇସାରାରେ ଚାଲିଛି ଏହି 

ବିରାଟ ସ୍ରୃଷ୍ଟି ର ପ୍ରତ୍ୟେକ କଣିକା !!