ରେ ଦାରୁ ମୂରତି

ତୋ ଠାରୁ ଆରମ୍ଭ ତୋ ଠାରେ ଇତି 

              ରେ ଦାରୁ ମୂରତି 

ଏ ଦିଦିନ ବାଟର ତୁଇ ତ ସାଥି 

              ରେ ଦାରୁ ମୂରତି ll

ଆସିଥିଲି ଏକା ଯିବି ବି ଏକା 

ଥିବାଯାଏ ଏଠି ଦେଉଥା ଦେଖା 

ତୋତେ ନଦେଖିଲେ ମିଳେନା ଶାନ୍ତି 

              ରେ ଦାରୁ ମୂରତି 

ଏ ଦିଦିନ ବାଟର ତୁଇ ତ ସାଥି 

              ରେ ଦାରୁ ମୂରତି ll

ଅସାର ସଂସାରେ ତୋଳିଛି ଘର 

ସେଇ ଘର ଦିନେ ହେବରେ ପର 

କାଲିକି ଅନ୍ତର ପାହିଲେ ରାତି 

             ରେ ଦାରୁ ମୂରତି 

ଏ ଦିଦିନ ବାଟର ତୁଇ ତ ସାଥି 

             ରେ ଦାରୁ ମୂରତି ll

କଳା ନିଧି ମୋର କରୁଣା ସିନ୍ଧୁ 

ତୁଇ ତ ଜଗା ମୋ ଦରଦୀ ବନ୍ଧୁ 

ତୋତେ ନଦେଖିଲେ ମିଳେନା ତୃପ୍ତି 

             ରେ ଦାରୁ ମୂରତି 

ଏ ଦିଦିନ ବାଟର ତୁଇ ତ ସାଥି 

             ରେ ଦାରୁ ମୂରତି ll

କିମ୍ପାଇ ଜଗାରେ କରିବି ଦୁଃଖ 

ଯାହା ଅଛି ମୋର କପାଳ ଲେଖ 

ସେତିକି ମୋହର ଜୀବନେ ପ୍ରାପ୍ତି 

            ରେ ଦାରୁ ମୂରତି 

ଏ ଦିଦିନ ବାଟର ତୁଇ ତ ସାଥି 

            ରେ ଦାରୁ ମୂରତି ll